Ֆրանչիսկոս Պապ կրօնաւորուհի մը նշանակեց ընկերային գիտութիւններու կաճառի նախագահ

Վազգէն Աբարդեան - Վատիկան

Ֆրանչիսկոս Պապ կը շարունակէ Վատիկանեան հաստատութիւններէն ներս կանանց կարեւոր պարտականութիւններ առաջարկելու իր փափաքը։

Շաբաթ, 1 ապրիլին, քահանայապետական ընկերային գիտութիւններուն կաճառին նախագահ նշանակուեցաւ Անգլիացի, 59 տարեկան քոյր Հելէն Ալֆորտը, որ ընդհանուր տեսուչն է Քահանայապետական Սուրբ Թովմաս Աքունիացի համալսարանի ընկերային գիտութիւններուն մասնաճիւղին։

Քոյր Ալֆորտ, մաս կը կազմէ Նիւքասթէլի Տոմինիքեաններու Սիեննայի Սանթա Քաթերինա միաբանութեան, ան կը յաջորդէ Տիար Սթէֆանօ Զամանիին զոր ֆրանչիսկոս Պապ մարտ 2019 զայն անուանած էր նախագահ։

Տոմինիքեան կրօնաւորուհին աւարտած է Քամպրիճին համալսարանին մատակարարման ճարտարագիտութիւնը, ուր ստացած է նաեւ հետազօտութեան մէջ տոքթորի տիտղոսը։ Քոյր Ալֆորտ համալսարանական ասպարեզին մեծ մասը անցուցած Քահանայապետական Անճելիքում համալսարանին մէջ, որպէս ընկերային գիտութիւններու մասնաճիւղի դասատու ինչպէս նաեւ որպէս միեւնոյն համասպրանին փոխ տեսուչ։

Տոմենիքեան միաբանութեան կրօնաւորուհին քոյր Ալֆոր, «Business Ethics»ի միջազգային մասնագէտ է, ան դասաւանդած  եղած է տարբեր համալսարաններու մէջ բարոյական տնտեսագիտութեան ինչպէս նաեւ քրիստոնեայ ընկերային միտքին պատմութեան նիւթեր։