Կարդինալ Սանտրիին այցելութիւնը Սուրիա՝ իր հետ տանելով Պապին զօրակցութիւնն ու մօտիկութիւնը
Ռոպէր Աթթարեան - Վատիկան
հոկտեմբերի 25-էն սկսեալ եւ մինչեւ Նոյեմբերի 3-ը, Արևելեան Եկեղեցիներու Ժողովի Կառավարիչ` կարդինալ Լէոնարտօ Սանտրին հովուական այցելութեամբ կը գտնուի Սուրիոյ մէջ։
Յետաձգուած այցը
Այցը, որ նախատեսուած էր 2020 թուականի ապրիլին, յետաձգուեցաւ Քովիտի համավարակի պատճառով։ Անոր նպատակն է աջակցիլ պատերազմէն տուժած Սուրիոյ բնակչութեան, ապա մօտիկութիւն արտայայտել քրիստոնեայ զանազան համայնքներուն, համամիութենական հանդիպումներու և համայնքային աղօթքներու միջոցաւ։
Կարդինալ Սանտրիին սոյն ճամբորդութեան առիթով տարածուած մամուլի հաղորդագրութիւնը կը ներկայացնէ Ծիրանաւորին ճամբորդութեան ծրագիրը, որ որպէս առաջին փուլ կը նախատեսէ Դամասկոսը։
Մօտիկութիւն Սուրիոյ ժողովուրդին
Ճամբորդութեան հիմնական նպատակն է ինչպէս նշեցինք «այնտեղ տանիլ Ֆրանչիսկոս Պապին, մօտիկութիւնն ու զօրակցութիւնը «տարիներու պատերազմներու փորձութիւններով անցած Սուրիոյ Կաթողիկէ համայնքներուն, որոնք ունին կշռադատման և հովուականն ստուգման պահի կարիքը»:
Հանդիպումներ կաթողիկէ համայնքներու հետ
Արևելեան Եկեղեցիներու Ժողովի Կառավարիչի օրակարգը ի թիւս այլոց կը նախատեսէ.
· Ժողով Սուրիոյ կաթողիկէ ղեկավար դասերու ժողովի անդամներու հետ և Պատարագ՝ յոյն - մելքիդներու Անտիոքի պատրիարք Եուսէֆ Ապսիի հետ եռանախագահութեամբ։
· Հանդիպում Դամասկոսի և Բոսրա-Հաուրանի Մելքիդ շրջաններու քահանաներու հետ։
· Այցելութիւններ Սուրիայի Քարիթասի գրասենեակ, Սուրբ Վէնսըն տէ Փոլի ընկերութիւն, Սուրբ Պօղոսի որբանոց, իտալական և ֆրանսական հիւանդանոցներ։
· Այցելութիւն Սուրիոյ, Քաղդէական եւ Հայ Եկեղեցիներու նստավայրեր։
· Հանդիպում Դամասկոսի և Հարաւային Սուրիայի կրօնաւորներու հետ։
Կարդինալը կ՛այցելէ նաև Թարդուս, Հոմս և Հալէպ, ուր տեղի կունենան համամիութենական աղօթքներ, որոնց կը յաջորդէ միջ կրօնական հանդիպում:
Նախատեսուած է նաեւ աղօթքի հանդիպումներ քաղաքի իւրաքանչիւր կաթողիկէ տաճարին մէջ, մարոնի, մելքիդ, ասորի, հայ, քաղդէացի և լատին եպիսկոպոսներու ներկայութեամբ։ Նախ քան Հռոմ վերադառնալը Կարդինալ Սանտրին կ՛այցելէ նաեւ Եապրուտ և Մաալուլա քաղաքները։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ