Լոնտոնի շէնքի վերաբերեալ Վատիկանի հետաքննութիւնը փակուած է, տասը անձ դատի կանչուեցան։

Վատիկան Նիուզ

Երկար ու խրթին հետաքննութիւն մը որ Վատիկանի արդարադատութեան ու հետաքննական մարմիններու օժանդակութեամբ հասաւ իր աւարտին  եւ որուն հետեւանքով Վատիկանի Դատարանի նախագահ Ճուզեփփէ Փինիաթորէն դատի կանչեց տասը անձինք, 27 յուլիսը սահմանելով որպէս դատավարութեան ընթացքի սկիզբի թուական։

Դատարանի առջև պիտի կանգնին. Ռընէ Պրուլհարթը (AIF- ի Վատիկանի ֆինանսական տեղեկատուութեան վերահսկողութեան մարմի երբեմնի նախագահ) որ հետապնդուած է պաշտօնական դիրքի չարաշահման յանցագործութեամբ։ Գերապայծառ  Մաուրօ Քարլինօ (Պետքարտուղարի փոխանորդի նախկին քարտուղար), որը մեղադրուած է շորթումի և պաշտօնական դիրքի չարաշահման

յանցանքով,  Էնրիքօ  Կրասսոն (ֆինանսներու անձնաւորութիւնը, որը տասնամեակներ շարունակ կը  ղեկավարէր Պետական ​​քարտուղարության ներդրումները), որ մեղադրուած է յափշտակութիւններու, կաշառակերութեան, շորթումներու, փողերու լուացման և ինքնալուացման, խարդախութիւններու, պաշտօնական դիրքի չարաշահման, կեղծ հասարակական գործերու նիւթերու համար: Թոմմազօ Տի  Ռուցցա (AIF- ի ՝ Ֆինանսական վերահսկողութեան մարմնի նախկին տնօրէն), որուն դատախազութիւնը վիճարկած է իւրացումներու, պաշտօնական դիրքի չարաշահման և պաշտօնի գաղտնիութեան խախտման յանցագործութիւնները։

Չեչիլիա Մարոնիա (կինը, որը Պետական ​​քարտուղարությունէն զգալի գումարներ ստացաւ հետախուզական գործողութիւններ իրականացնելու համար) որ մեղադրուած  է իւրացման մէջ. Ռաֆայէլէ Մինչիոնէ (ֆինանսով զբաղող  անձնաւորութիւնը, որը Վատիկանին ստորագրել տուաւ Լոնտոնի « Sloane Avenue» պողոտայի թիւ 60 հասցէին վրայ գտնուող գոյքին պատկանող ֆոնտի կարևոր բաժնետոմսերը, Պետական ​​քարտուղարութենէն ստանալով գումարներ որ ապա օգտագործեց շահարկողական գործողութիւններու համար) մեղադրուած է իւրացման, խարդախութեան, պաշտօնական դիրքի չարաշահման, յափշտակութիւններու և ինքնուրոյն լուացումի յանցանքներով; Նիքոլա Սքուիլլաչէ (բանակցութիւններու մէջ  ներգրաւած փաստաբան), որը մեղադրուած է խարդախութեան, յափշտակութիւններու, փողերու լուացման և ինքնալուացման յանցագործութեամբ։

Ֆապրիցիօ Թիրապասին (Պետական ​​քարտուղարության վարչական գրասենեակի գործավար, որն այդ գործի մէջ առաջատար դեր ունեցաւ) մեղադրուած  է կաշառակերութեան, շորթումներու, յափշտակութիւններու, խարդախութիւններու և պաշտօնական դիրքի չարաշահման մէջ։ Ճանլիուճի Թորզի (ֆինանսի մարդը, որը կոչուեցաւ օգնելու համար Սուրբ Աթոռին դուրս գալու Mincione-ի ֆոնտէն եւ որ կարողացաւ լուծարել 15 միլիոն, որպէսզի Պալատը վերադարձնէ իր օրինական տեռերուն) մեղադրուած է շորթման, յափշտակութեան, խարդախութեան, իւրացման, փողերու լուացման և ինքնակառավարման մէջ։

Դատի կանչուեցան նաեւ հետեւեալ ընկերութիւնները.  Էնրիքօ Կրասսոյի հետ կապ ունեցող HP Finance LLC, Prestige Family Office SA, Sogenel Capital Investment, ինչպէս նաեւ Չեչիլիա Մարոնիայի հետ կապ ունեցող Logsic Humanitarne Dejavnosti, D.O.O.։

Այս առնչութեամբ Սուրբ Աթոռի Մամլող գրասենեակի հրապարակած հաղորդագրութիւնը կը նշէ թէ «հետաքննութեան ընթացքին ի յայտ եկան նաեւ Կարդինալ Ճովաննի Պեչչուի  հայող մեղադրանքներ»։

«Դատական ​​նախաձեռնությունը, , ուղղակիօրէն կապուած է Վատիկանի ֆինանսներու թափանցիկութեան և համախմբման աշխատանքներու ուղիով  Ֆրանչիսկոս Պապի ցուցմունքներուն ու ի գործ դրած  բարեփոխումներուն հետ»