Որոնել

Vatican News
Երիտասարդներու համաշխարհային օրուան խաչը։ Երիտասարդներու համաշխարհային օրուան խաչը։ 

Երիտասարդներուն համաշխարհային օրերուն խաչի յանձնումի արարողութիւնը յառաջիկայ 22 նոյեմբերին։

Խաչի յանձնումը տեղի պիտի ունենայ յառաջիկայ նոյեմբեր 22ին, Ֆրանչիսկոս Պապին կողմէ մատուցուած յաւարտ Սուրբ Պատարագին, Սուրբ. Պետրոսի տաճարէն ներս։

Վազգէն Աբարդեան - Վատիկան

Երեքշաբթի, 17 նոյեմբերին, Սուրբ Աթոռի մամլոյ գրասենեակի տնօրէն, տիար Մաթէօ Պրունի հրապարակելով հաղորդագրութիւն մը տեղեկացուց, թէ յառաջիկայ 22 նոյեմբերին, տեղի պիտի ունենայ  երիտասարդներուն համաշխարհային օրերուն համար խաչի յանձնումը։

Ունկնդրէ լուրը

Հաղորդագրութեան մէջ նշուած է, «Ինչպէս նախապէս յայտարած էր Նորին Սրբութիւնը, անցեալ ապրիլ 5ին, Հրեշտակ Տեառն Մարեմեան աղօթքին ընթացքին, յառաջիկայ նոյեմբեր 22-ին, Քրիստոս Թագաւոր տօնին օրը, Սուրբ Պետրոսի տաճարին մէջ Ֆրանչիսկոս Պապի կողմէ մատուցուած սուրբ Պատարագին աւարտին, տեղի պիտի  ունենայ Երիտասարդներու համաշխարհային օրերուն խաչի յանձնումը։  

Արարողութեան ներկայ պիտի գտնուին կեդրոնական Ամերիակէն եւ Փորթուկալէն երկու պատուիրակութիւններ։» նշուած է հաղորդագրութեան մէջ։ 

17/11/2020, 13:12