Մամլոյ Հաղորդագրութիւն. Ուժի մէջ մտաւ եկեղեցւոյ իրաւական կարգավիճակին հայող Սուրբ Աթոռ-Պուրքինա Ֆազօ համաձայնագիրը:

Ռոպէր Աթթարեան - Վատիկան

«Այսօր՝ 7 սեպտեմբեր 2020-ին, Սուրբ Աթոռի մօտ Պուրքինա Ֆազոյի դեսպանատան պաշտօնական հաղորդագրութեամբ, աւարտեցաւ անցեալ 2019-ի Յուլիսի 12-ին Վատիկանի մէջ ստորագրուած՝  եկեղեցւոյ իրաւական կարգավիճակին հայող համաձայնագիրի վաւերացման գործիքներու փոխանակման կարգը, ընդմէջ Սուրբ Աթոռին եւ Պուրքինա Ֆազոյի պետութեան»։ Լուրը կը հաղորդէ Սուրբ Աթոռի մամլոյ գրասենեակը դիտել տալով թէ վերոնշեալ համաձայնագիրը ուժի մէջ կը մտնէ այսօր՝ անոր թիւ 18 յօդուածի հիման վրայ, որ Եկեղեցւոյ կ՛երաշխաւորէ իրաւունք Պուրքինա Ֆազոյի մէջ կատարելու իր առաքելութիւնը։

«Յատուկօրէն կը ճանչցուի Եկեղեցւոյ ու անոր կառոյցներուն հանրային իրաւական ինքնութիւնը» կը նշուի հաղորդագրութաեն մէջ հաստատելով թէ «երկու կողմերը, պահպանելով իրենց ինքնուրոյն անկախութիւնն ու ինքնավարութիւնը, յանձնառու են իրարու հետ համագործակցելու յանուն մարդու բարոյական, հոգևոր և նիւթական բարեկեցութեան և ընդհանուր բարիքի խթանման»: