Կարդինալ Թուրքսոնի պատգամը հազուագիւտ հիւանդութիւններու համաշխարհային ԺԳ օրուան առիթով:
Վազգէն Աբարդեան - Վատիկան
Հազուագիւտ հիւանդութիւններու ԺԳ համաշխարհային օրուան առիթով, քահանայապետական մարդկային համապարփակ զարգացման խորհուրդի կառավարիչ, կարդինալ Փիթեր Թուրքսոն պատգամ մը յղած է ուղղուած աշխարհի եպիսկոպոսաց համահաւաք դասերու եպիսկոպոսներուն, կրօնաւորներուն, կրօնաւորուհիներուն, հիւանդապահներուն, ինչպէս նաեւ բարի կամք ունեցող եղբայրներուն եւ քոյրերուն:
Պատգամին մէջ ծիրանաւորը նշած է, որ աշխարհի մէջ հազուագիւտ հիւանդութիւն ունեցող մարդոց թիւը կը հաշուէ 300 միլիոն որոնք կարիք ունին մեր ուշադրութեան եւ պէտք չէ որ անտեսուին:
Ծիրնաւորը նշած է նաեւ, որ պէտք չէ մոռնալ առողջապահութեան եւ խնամքի հիմնական իրաւունքը, նամանաւանդ քիչ եկամուտ ունեցող երկիրներուն մէջ, ուր թերի է առողջապահական արդարադատութիւնը:
Հազուագիւտ հիւանդութիւններուն ոլորտէն ներս հիմնական դերակատարութիւն ունի գիտական փնտռտուքը ՝ հիւանդներուն կեանքի բարելաւման համար, ինչպէս նաեւ անոնց համապատասխան խնամակալութիւն ապահովուելու համար: Գիտական փնտռտուքը իր կարգին կարիքը ունի հիւանդներուն՝ ձեռքբերելու համար հսկայ արդիւնքներ՝ հիւանդներուն առողջապահութեան ի խնդիր: նշած է կարդինալ Թուրքսոն: Ան ապա հրամայական նկատած է միջազգային ընտանիքին աջակցութիւնը՝ երաշխաւորելու համար բոլորին ՝ յատուկէն խոցելի ժողովուրդներուն, արդիւնաւոր առողջապահական համակարգեր:
Ծիրանաւորը պատգամին մէջ ընդգծած է, թէ հազուագիւտ հիւանդութիւններ ունեցող անձերը մեծ ազդեցութիւն ունին իրենց ընտանիքին վրայ՝ ըլլայ հոգեպէս ըլլայ ֆիզիքապէ եւ նիւթապէս: Հազուագիւտ հիւանդութիւնները փաստօրէն կը ներգրաւեն նաեւ ընտանեկան կեանքի բոլոր երեւոյթները:
Ան պատգամը աւարտած է նշելով, որ իսկապէս գեղեցիկ պիտի ըլլար, եթէ բոլորս միասին՝ ընտանիքներուն, առողջապահական գործիչներուն, կամաւորներուն կողքին խնամք տանինք հազուագիւտ հիւանդութիւններէն վարակուած եղբայրներուն եւ քոյրերուն՝ անոնց զգալ տալով, որ ընկերային կեանքին ուժը կը կազմեն:
Կարդինալը պատգամը աւարտած է յանձնելով հազուագիւտ հիւանդութիւններէ տառապողները Տիրամօր հովանիին:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ