Կարդինալ Ֆիլոնին ստանձնեց «Սուրբ Գերեզման» ուխտի աւագ վարդապետի նոր պաշտօնը:
Վազգէն Աբարդեան - Վատիկան
Հինգշաբթի, 16 յունուարին, Կարդինալ Ֆերնատնօ ֆիլոնին, ստանձնեց «Սուրբ Գերեզման» ուխտի աւագ վարդապետի նոր պաշտօնը:
Ծիրանաւորը՝ ուղեկցութեամբ «Սուրբ գերեզման» ուխտին նախկին աւագ վարդապետ՝ Կարդինալ Էտվին Օ Պրէյին, պաշտօնապէս մուտք գործեց Հռոմի մէջ գտնուող «Սուրբ Գերեզման» ուխտի կեդրոնատեղին՝ «Ռովերէ» պալատ, ուր դիմաւորուեցաւ «Սուրբ Գերեզման» ուխտի բարձրաստիճան անձնաւորութիւններու ու անդամներու կողմէ:
Նոր պաշտօնի ստանձնման արարողութեան ծիրէն ներս, բարի գալուստի խօսք արտասանեց «Սուրբ Գերեզման» ուխտի երբեմնի աւագ վարդապետը, որուն մէջ իր եւ ուխտի ասպետներուն զօրակցութիւնը յայտնեց նորանշանակ աւագ վարդապետին :
Բարի գալուստի խօսքէ ետք տեղի ունեցաւ շքանշանի յանձնում: Պաշտօնական արարողութեան աւարտին, Կարդինալ Ֆիլոնի՝ ընկերակցութեամբ կարդինալ Օ պրէյնի ուղղուեցան «Ռովերէ» պալատի մէջ գտնուող մատուր՝ պահ մը ամփոփուելու եւ աղօթելու համար:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ