Ֆրանչիսկոս Պապին խնդրանքով Ասիզի քաղաքին մէջ «նոր տնտեսութիւն» համագումար:
Վազգէն Աբարդեան - Վատիկան
Յառաջիկայ 26-էն-28 մարտին, Ֆրանչիսկոս Սրբազան Քահանայապետին գլխաւորութեամբ, Իտալիոյ Ասիզի քաղաքին մէջ տեղի պիտի ունենայ «նոր տնտեսութիւն» խորագիրով համագումար:
Ֆրանչիսկոս Պապին խնդրանքով կազմակերպուած «նոր տնտեսութիւն» համագումարին իրենց մասնակցութիւնը պիտի բերեն 35 տարեկանէն վար երիտասարդ գործակալներ եւ տնտեսագէտներ: Համագումարին մասնակցելու համար մինչեւ այսօր խնդրագիր ներկայացուցած են, 115 երկիրներէն աւելի քան 3500 անձեր:
Համագումարին մասնակիցները պիտի հիւրընկալուին Սուրբ Ֆրանչիսկոս Ասիզացիի քաղաքին՝ 12 տարբեր գիւղերուն մէջ:
Համագումարին նիւթ պիտի ըլլայ տնտեսութեան, արդարութեան, հողագործութեան, ուժանիւթի, աղքատութեան, շահի եւ կոչումի հայող հարցեր:
Ասիզի թեմի եպիսկոպոս, գերապայծառ Տոմենիքօ Սորենթինօ, անդրադառնալովվերոնշեալ համագումարին նշեց թէ, համագումարի ձեռնարկը սերտ առնչութիւն ունի Սուրբ Ֆրանչիսկոս Ասիզացիին հետ:
Սուրբին կեանքին փորձառութիւնը, ընտրանքները, մեծ արժէք ունին նաեւ մեր այսօրուան տնտեսութեան մէջ: Ըսած է Ասիզիի եպիսկոպոսը աւելցնելով, որ Սուրբ ֆրանչիսկոսն է, որ ընտրանք կատարեց, եսասիրութեան եւ պարգեւի տնտեսութեան միջեւ:
Սուրբ Ֆրանչիսկոսին՝ իր եպիսկոպոսին եւ հօր առջեւ մերկացումի երեւոյթը, ներշնչումի իքոն է մարտ ամսուան ձեռնարկին եւ այս պատճառով է, զոր Ֆրանչիսկոս Պապ որոշեց , թէ «նոր տնտեութիւն» խորագիրով ժողովը գումարուի Ասիզի քաղաքին մէջ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
