Քահանայական ձեռնադրութեան 50 ամեակի առթիւ, աղօթենք ֆրանչիսկոս Պապին դիտաւորութեան:
Յառաջիկայ 13 դեկտեմբերին, Ֆրանչիսկոս Պապին քահանայական ձեռնադրութեան 50-րդ տարեդարձն է :
Հռոմի թեմի տեղակալ արքեպիսկոպոս, Կարդինալ Անճելօ Տէ Տօնաթիս նամակով մը թեմի եպիսկոպոսներէն, քահանաներէն հաւատացեալներէն խնդրած է, որ կիրակի 8 դեկտեմբերին, կիրակնօրեայ սուրբ Պատարագի ընթացքին աղօթեն Ֆրանչիսկոս Պապին համար:
Նամակին մէջ ծիրանաւորը գրած է.
«Աստուծոյ գոհութիւն յայտնենք, Ֆրանչիսկոս Պապին քահանայական ձեռնադրութեան 50 ամեակին համար:
Աղօթենք ,ֆրանչիսկոս Պապին համար, որ յառաջիկայ 13 դեկտեմբերին կը նշէ իր քահանայական ձեռնադրութեան 50 ամեակը: Թող Ամենակալը, Զինք առաջնորդէ Սուրբ Հոգիին շնորհքով եւ զօրաւիգ կանգնի ու պարգեւէ համայն եկեղեցւոյ աղօթքներէ յառաջացած մխիթարութիւնը:»
Նշենք, որ Ճորճ Մարիօ Պերկոլիոն, քահանայ ձեռնադրուած է 13 դեկտեմբեր 1969ին, ձեռամբ Քորտոպա Ռամոն Խօսէ Քասելլանօ Արքեպիսկոպոսին:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
