Ֆրանչիսկոս Պապին եւ Ալ Թայէպ աւագ իմամին ՄԱԿ-ի ներկայացուցած առաջարկը:
Վազգէն Աբարդեան - Վատիկան
Ֆրանչիսկոս Պապ եւ Ալ Թայէպ Աւագ Իմամը ՄԱԿ-ին առաջարկած ներկայացուցած են յառաջիկայ 4 փետրուարը յայտարարել եղբայրութեան համաշխարհային օրը:
Նշեալ առաջարկը Նիւ Եորքի մէջ, ՄԱԿ-ի քարտուղարին յանձնած է մարդկային եղբայրութեան փաստաթուղթին նպատակներու հետապնդելու գծով հիմնուած բարձրագոյն կոմիտէին անդամները՝ Կարդինալ Այուզօ Կիսօ եւ Դատախազ Մուհամմատ Ապտէլ Սալա որոնք Նիւ Եորքի մէջ հանդիպում ունեցան ՄԱԿ-ի ընդհանուր քարտուղար Անթոնիօ Կութերեսին հետ, որուն յանձնած են Ֆրանչիսկոս Պապին եւ Ալ Ազհար աւագ Իմամ Ահմէտ Ալ Թայէպի պատգամը:
Հանդիպումի ընթացքին ՄԱԿ- Քարտուղարը իր բարի տրամադրութիւնն ու գնահատանքի յայտնելով ընդգծած է աշխատանքի կարեւորութիւնը՝ համայն մարդկութեան ծառայութեան ի սպաս
Անթոնիօ Կութիերես, ապա ՄԱԿ-ի ընդհանուր քարտուղարի խորհրդատու նշանակած է Ատամ Տինքի հետեւելու համար առաջարկուած գործունէութիւններուն եւ գործակցելու Բարձրագոյն կոմիտէին հետ
Բարձրագոյն կոմիէն հիմնուած է անցեալ 20 օգոստոսին, ունի որպէս նպատակ հետապնդել մարդկային եղբայրութեան փաստաթուղթին մէջ պարունակուած նպատակներուն՝ իրականացնելով զանոնք:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
