Սուրբ Աթոռը վերահաստատեց, Իսրայէլի եւ Պաղեստինի համար «երկու Պետութիւններ եւ երկու ժողովուրդներ» միակ ուղին
Վազգէն Աբարդեան - Վատիկան
Սուրբ Աթոռը հաղորդագրութեամբ մը անդրադարձած է Միացեալ Նահանգներու՝ Պաղեստինի տարածքներու մէջ իսրայէլեան բնակավայրերու օրինականութեան հայող վերջերս կատարած յայտարարութեան:
Հաղորդագրութեան մէջ Սուրբ Աթոռը, Իսրայէլի եւ Պաղեստինի միջեւ հարցի լուծման համար դարձեալ վերահաստատեց «երկու պետութիւններ երկու ժողովուրդներ» լուծումը:
Հաղորդագրութեան մէջ նշուած է որ, Միացեալ Նահանգներու վերոնշեալ յայտարարութիւնը աւելիով կը խաթարէ Իսրայէլի եւ Պաղեստինի միջեւ խաղաղութեան գործընթացը, ինչպէս նաեւ տարածաշրջանի դիւրաբեկ կացութիւնը:
Սուրբ Աթոռը իբրեւ միակ լուծում առաջարկած է , երկու պետութիւններ, երկու ժողովուրդներ ուղին, տարածաշրջանի խաղաղութեան համար:
Սուրբ Աթոռը ապա իր զօրակցութիւնը յայտնելով Իսրայէլի Պետութեան ՝ միջազգային հանրութեան կողմէ ճանչցուած սահմաններուն մէջ խաղաղ և ապահով ապրելու իրաւունքը, նկատել տուած է, որ այդ նոյն իրաւունքը կը պատկանի նաեւ պաղեստինցիներուն, շեշտելով որ այդ իրաւունքը ճանչցուի, յարգուի ու իրագործուի »:
Սուրբ Աթոռը ապա մաղթանք յայտնած է, որ երկու կողմեր բանակցութեան ուղիով եւ միջազգային հանրութեան զօրակցութեամբ, կարենան լուծումներ գտնել, նկատի առնելով երկու ժողովուրդներուն օրինական ձգտումները:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ