Կարդինալ Փարոլինի հարցազրոյցը Ֆրանչիսկոս Պապին դէպի Թայլանտ եւ Ճափոն կատարելիք ճամբորդութեան վերաբերեալ:
Վազգէն Աբարդեան - Վատիկան
Ֆրանչիսկոս Պապին դէպի Թայլանտ եւ Ճափոն կատարելիք միջազգային 32-րդ ճամբորդութեան սեմին, Վատիկանի Պետական քարտուղար Կարդինալ Փիեթրօ Փարոլին, Վատիկանի նիւզի հետ ունեցած հարցազրոյցին մը ընթացքին անդրադարձաւ նշեալ երկիրներուն մէջ ֆրանչիսկոս Պապին շօշափելիք նիւթերուն:
Կարդինալ Փարոլին նշեց, թէ ֆրանչիսկոս Պապ միջազգային առաքելական ճամբորդութիւններուն նպատակն է անձամբ ծանօթանալ այդ երկիրներուն իրականութիւնը, եւ անձամբ հանդիպիլ հոն ապրող քրիստոնեայ հասարակասիրութիւններուն հետ, զանոնք քաջալերելով եւ վերահաստատելով իրենց քրիստոնէական հաւատքին մէջ:
Թայանտի մէջ ֆրանչիսկոս Պապ շեշտը պիտի դնէ միսիոներական առաքելութեան վրայ, տրուած ըլլալով որ Թայլանտի մէջ աւետարանումի առաջին միսիոնարը եղած է Յիսուսեան միսիոնար մը ՝ 16 դարուն կէսին: Ապա Թայլանտ՝ աւետարանումի առաքելութեամբ ժամանած են այլ Տոմինիքեան եւ Ֆրանչիսկեան միսիոնարներ, ըսաւ Կարդինալ Փարոլին:
Ինչ կը հայի ֆրանչիսկոս Պապին դէպի Ճափոն կատարելիք առաքելական ճամբորդութեան,Կարդինալ Փարոլին նշեց, թէ Ճափոնի մէջ Ֆրանչիսկոս Պապ պիտի խօսի ադոմական ռումբերուն վտանգին մասին, կոչ պիտի յղէ զինաթափումի ի սպաս, քաջալերելով կեանքի պաշտպանութիւնը:
Ֆրանչիկսոս Պապ Ճափոնի մէջ պիտի շօշափէ նաեւ արարչագործութեան եւ հասարակաց տան պաշտպանութեան հայող նիւթեր, քաջալերելով խաղաղութեան ուղիներու որոնումը:
Հարցազրոյցի աւարտին Կարիդինալ Փարոլին նշեց, թէ Ֆրանչիսկոս Պապ Թայլատնի եւ Ճափոնի մէջ կ՝ուզէ իր նեցուկութիւնը ցուցաբերել հաւատացեալներուն, կիսելով անոնց հետ կեանքի ուրախութիւնները, յոյսերը, սպասումներն ու տխրութիւնները: Ան տեղական եկեղեցիներուն հետ հանդիպումով, կ՝ուզէ իր հօտին ընկերանալ փոխանցելով հաւատացեալներուն իր սիրտի պատգամը, որոնք վաւեր են նաեւ համայն աշխարհի եւ համայն եկեղեցւոյ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
