Ամազոնեան տարածաշրջանի նուիրուած եպիսկոպոսներուն սինոդը:
Վազգէն Աբարդեան - Վատիկան
Ուրբաթ, 18 հոկտեմբերին, յետմիջօրէին, Ամազոնեան տարածաշրջանի նուիրուած եպիսկոպոսներու 13 նստաշրջանին ընթերցեցուեցան 12 փոքրիկ խմբակներուն կողմէ պատրաստուած զեկոյցները:
Ներկայացուած զեկոյցներուն մէջ ի յայտ եկած է, որ եկեղեցին պէտք է ունկնդրէ երկիր մոլորակին եւ ժողովուրդներու ճիչերը: Եկեղեցին պէտք է որ աղքատներուն կողքին կանգնի կասեցնելով բռնութիւնները, սեռային շահագործումները, բնիկ ժողովուրդներու իրաւունքներուն խախտումը, վերջապէս պայքարելով հոգին ու մշակոյթը սպաննող բոլոր չարիքներուն դէմ:
Զեկոյցներուն մէջ ընդգծուած է եկեղեցական ասպարէզէն ներս աշխարականներուն ներկայութիւնը: Աշխարականներու շնորհել եկեղեցական պաշտօններ: Շօշափուած է նաեւ Ամազոնեան տարածաշրջանէն ներս կին սարկաւագներու եւ ամուսնացեալ քահանաներուն նիւթերը:
Սինոդի ծիրէն ներս փոքրիկ խմբակները խնդրած են եպիսկոպոսներէն զարգացնել բնիկ ժողովուրդներուն դիմագիծը ունեցող հովուական ծառայութիւն եւ Աստուածաբանութիւն: Շեշտուած է նաեւ, որ միսիոնարը պէտք է հեռու մնայ գաղութատիրական մտայնութենէն, շրջանցելով ցեղական նախապաշարումները, յարգելով սովորութիւններն ու յատուկ ծէսերը:
Լայնօրէն անդրադարձ կատարուած է գաղթականութեան, յատուկէն երիտասարդներուն գաղթի հարցին: Այս ծիրէն ներս անհրաժեշտ նկատուած է փոքրիկ գիւղերուն եւ գիւղաքաքաներուն աւետարանումը:
Ինչ կը հայի բնապահպանութեան, փոքրիկ խմբակներուն զեկոյցներուն մէջ ընդգծուած է, որ արարչագործութիւնը Աստուծոյ գլուխ գործոցն է: Իսկական բնապահպանական դարձը սկիզբ կ՝առնէ ընտանիքէն, ապա կ՝անցնի անհատական դարձէն՝ Յիսուսի հետ հանդիպումով:
Ի վերջոյ զեկոյցներուն մէջ լայ տեղ գտած է հաղորդակցութեան հարցը: Կաթողիկէ հաղորդակցութեան հաստատութիւններէն խնդրուած է լայն տեղ տալ Ամոազոնեան տարածաշրջանին, տարածելու համար բարի լուռը ինչպէս նաեւ դատապարտելով մայր մոլորակի դէմ կատարուած ոճրագործութիւնները, հռչակելով միշտ Ճշմարտութիւնը :
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
