Ժան Մարի Մոնթել նշանակուեցաւ Սուրբ Աթոռի հաղորդակցութեան ժողովի խորհրդատու:
Վազգէն Աբարդեան - Վատիկան
Չորեքշաբթի, 30 հոկտեմբերին, ֆրանչիսկոս Սրբազան Պապը, Ֆրանսայի կաթողիկէ լրատուամիջոցներուն դաշնութեան նախագահ, Տոքթ Ժան Մարի Մոնթելը նշանակեց Սուրբ Աթոռի հաղորդակցութեան բաժանմունքի խորհրդատու:
Սուրբ Աթոռի հաղորդակցութեան բաժանմունքի նորանշանակ խորհրդատու տոքթ Ժան Մարի Մոնթել մինչեւ օրս, եկեղեցական լրատուական ծիրէն ներս ստանձնած է կարեւոր պաշտօններ: Կրէնոպլի քաղաքի համալսարանի մէջ աւարտած է քաղաքագիտութեան եւ լրագրութեան ուսումները
1995-2001 թուականներուն եղած է Ֆրանսայի սկաուտներուն հաղորդակցութեան բաժանմունքի ներկայացուցիչը:
Տիար Ժան Մարի Մոնթել, 2018 թուականէն ի վեր,Սուրբ Աթոռի հաղորդակցութեան բաժանմունքի գործակցութեամբ իր մասնակցութիւնը բերած է Սուրբ ֆրանչիսկոս Տէ Տալէսի միջազգային օրեր կազմակերպութեան, որուն յաջորդը փուլը տեղի պիտի ունենայ Լուրտին մէջ՝ 22-24 յունուար 2020-ին:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ