Որոնել

Vatican News
Գերապայծառ Պերնատիթօ Աուզա Գերապայծառ Պերնատիթօ Աուզա 

Գերապայծառ Աուզա: «Վերջ դնել Սուրիոյ եւ Եմէնի մէջ ժողովուրդներուն տառապանքներուն»:

Խուսաբիլ լարուածութիւն եւ անարդարութիւն հրահրող նոր պատրուակներէն:

Վազգէն Աբարդեան - Վատիկան

Միացեալ ազգերու անվտանգութեան խորհուրդին, Միջին արեւելքի վերաբերեալ գումարած ընդհանուր նիստին, ելոյթ ունեցած է ՄԱԿ-ի մօտ Սուրբ Աթոռի մնայուն դէտ, Գերապայծառ Պերնարտիդօ Աուզան:

Ունկնդրէ լուրը

Վատիկանի դիւանագէտը իր ունեցած ելոյթին մէջ խստիւ դատապարտած է Եմէնի մէջ տեղի ունեցած մարդկային կործանարար կացութիւնը, մաղթելով, որ տարածաշրջանէն ներս կասեցուի զէնքերու տարածումը:

«Եմէնի մէջ մարդկային կացութիւնը կը մնայ կործանարար եւ տագնապալից: Մանուկները անօթութենէն կը մեռնին, խմելիք ջուրի տագնապ կը տիրէ, երկրի տնտեսութիւնը ծանր վնասներու ենթարկուած է, կան դժուարութիւններ, հակամարտութեան շրջաններէն ներս մարդկային օգնութիւններ տրամադրելու համար:  ըսած  է Գերապայծառ Պերարտիթօ Աուզան, ան ապա անգամ մը եւս անհրաժեշտ նկատած  եւ կոչ ուղղած է վերջ դնելու հակամարտութեան, որ կը շարունակէ տառապանք պատճառել Եմենի ժողովուրդին:   

Խօսելով Սուրիոյ ներկայ կացութեան մասին գերապայծառ Աուզա իր խոր մտահոգութիւնը յայտնած է Սուրիոյ մէջ տիրող ներկայ տագնապալից կացութեան համար, ինչպէս նաեւ վերջերս տեղի ունեցող իրադարձութիւններուն գծով:

Ան  ընդգծած ու անհրաժեշտ նկատած է, որ պէտք է վերջ դնել  8 տարիէ ի վեր Սուրիան թիրախ դարձնող հակամարտութեան: Պէտք է  օգնութեան հասնիլ պատերազմէ փախուստ տուող ժողովուրդներուն, ներառեալ բազմաթիւ մանուկներուն, երաշխաւորելով անոնց մարդկային հիմնական իրաւունքներուն յարգանքը, ցեղական ինքնութեան պահպանումը եւ հեռու մնալ լարուածութիւն եւ անարդարութիւն հրահրող նոր պատրուակներէն:

ՄԱԿ-ի մօտ մնայուն դէտ, Գերապայծառ Աուզա իր ելոյթին մէջ անդրադարձած  է նաեւ Պաղեստինի եւ Իսրայէլի մէջ քրիստոնեայ հասարակութեան ներկայ կացութեան:  Ան անհրաժեշտ նկատած է, որ պէտք է ամէն ջանք թափել, սուրբ վայրերուն ապահովութիւնը երաշխաւորելու համար, հիմք ունենալով միջազգային իրաւունքը եւ Երուսաղէմի կարգավիճակը: Գերապայծառը իր խորին  մտահոգութիւն յայտնած  է նաեւ Քրիստոնեայ հասարակութիւններու համար, որոնք ստիպուած կը լքեն իրենց հողերն ու օճախները եւ կը գաղթեն այլ խաղաղ եւ ապայով վայրեր:

Պէտք է առ  աւելիով գործել երաշխաւորելու համար անոնց ապահովութիւնը, ըսած է Վատիկանի դիւանագէտը, ան ապա մաղթած է, որ խաղաղութիւն հաստատուի  Իսրայէլի եւ Պաղեսիտին միջեւ:

30/10/2019, 11:02