«Ժողովրդավարութիւն. Կրթական հրատապութիւն» բնաբանով համագումար։
Ռոպէր Աթթարեան - Վատիկան
«Gravissimum Educationis» Քահանայապետական հիմնարկը մեկնարկ տուած է նոր ծրագրի մը «Ժողովրդավարութիւն. Կրթական հրատապութիւն բազմամշակութային ու բազմակրօն բնագաւառներէն ներս» բնաբանով, որուն մէջ ներգրաւուած են 14 համալսարաններ որոնցմէ իւրաքանչիւրը, իր բնագաւառէն ներս, հետազօտութեան ու կազմաւորումի գործունէութիւն կը կատարէ ի նպաստ խաղաղութեան, զօրակցութեան ու հասարակաց բարիքի արժէքներուն։
16 եւ 17 սեպտեմբեր 2019-ին, վերոնշեալ հիմնարկի Վատիկանեան կեդրոնատեղիին մէջ նախատեսուած է միջազգային համագումար մը, որուն պիտի մասնակցին երեսունէ աւելի մասնագէտներ ու համալսարանական ուսուցիչներ, որոնք քննարկումներ պիտի կատարեն վերոնշեալ նիւթին շուրջ ու պիտի կիսեն ի գործ դրուած ծրագիրները։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ