Անչափահասներուն պաշտպանութիւնը թող ներառուի եկեղեցւոյ կեանքին մէջ՝ համաշխարհային մակարդակի վրայ:
Վազգէն Աբարդեան - Վատիկան
Երկուշաբթի, 16 սեպտեմբերին, եզրափակուեցաւ Վատիկանի մէջ կայացած անչափահասներուն պաշտպանութեան վերաբերեալ Քահանայապետական անչափահասներուն պաշտպանութեան յանձնախումբի գումարած ժողովները:
Անցեալ՝ 13 սեպտեմբերն սկիզբ առած վերոնշեալ Վատիկանեան յանձնախումբի գումարած ժողովներուն ընթացքին ունկնդրուեցաւ սեռային չարաշահումի զոհ, Պրազիլցի վկայի մը ցաւալի եւ ողբերգական փորձառութիւնը:
Անչափահասներուն պաշտպանութեան նուիրուած քահանայապետական յանձնախումբի գումարած ժողովներուն ընդմէջէն ի յայտ եկաւ Սուրբ Աթոռի տարբեր ժողովներու, գրասենեակներու եւ բաժանմունքներուն միջեւ սերտ յարաբերութիւններ ստեղծելու հրամայականը, դիւրացնելու համար եկեղեցիէն ներս անչափահասներուն պարտապանութեան ի նպաստ աշխատանքները:
Ժողովի աւարտին յանձնախումբի կողմէ հրապարակուած հաղորդագրութեան մէջ նշուած է, որ մշտական կարիքը կայ որ անչափահասներուն պաշտպանութեան ի ի նպաստ առաքելութիւնը ու մշակոյթը ներառուի եկեղեցւոյ կեանքին մէ՝ջ համաշխարհային մակարդակի վրայ:
Հաղորդագրութեան մէջ նշուած է նաեւ թէ Քահանայապետական յանձնախումբը կը շարունակէ ամէն ջանք թափել պաշտպանելու համար անչափահասները՝երկխօսութիւն կատարելով վերապրած զոհերուն հետ եւ որդեգրելով եւ խթանելով անչափահասներուն պաշտպանութեան ի նպաստ կրթական եւ կազմաւորման խիստ օրէնքներ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ