Չինաստանի մէջ օծուեցան երկու եպիսկոպոսներ՝ Սուրբ Աթոռի եւ Չինաստանի միջեւ ժամանակաւոր համաձայնագիրէն ետք:
Վազգէն Աբարդեան - Վատիկան
Սուրբ Աթոռի մամլոյ գրասենեակի տնօրէն, տիար Մաթթէօ Պրունի, երեքշաբթի, 27 օգոստոսին, յետմիջօրէին հանդէս եկաւ յայտարարութեամբ մը նշեց
«Կրնամ հաստատել, թէ Գերապայծառ Անթոնիօ Եաօ Շուն- ը, որ եպիսկոպոս օծուեցաւ Չինաստանի Մոնկոլիա մարզի Ժինինկ -Վուլանչապու-ի թեմին, ստացած է Քահանայապետական հրահանգ, որուն մասին հաստատած էր նաեւ օծիչ եպիսկոպոսը, 26 օգոստոսին կայացած արարողութեան ընթացքին» նշած է Սուրբ Աթոռի մամլոյ գրասենեակի տնօրէնը աւելցնելով, որ
Գերապայծառ Անթոնիօ Եաօ-ի եպիսկոպոսական օծումը առաջինն է, որ տեղի ունեցած է Սուրբ Աթոռի եւ Չինական ժողովրդական հանրապետութեան միջեւ՝ Փեքինի մէջ անցեալ 22 սեպտեմբեր 2018-ին, կնքուած ժամանակաւոր համաձայնագիրէն ետք:
Գերապայծառ Անթոնիօ Եաօ եպիսկոպոս օծուեցաւ Ժինինի թեմին, որ կը գտնուի Մոնկոլիօ մարզէն ներս եւ ուր կ՝ապրին աւելի քան 70 հազար կաթողիկէներ: Անոր եպիսկոպոսական օծումի արարողութեան նախագահեց Հոհհոթ թեմի եպիսկոպոս, Գերապայծառ Տէ Փաուլօ Մենք Ուինկլու:
Չինաստանի մէջ առաջին եպիսկոպոսի օծումին անդրադարձած են միջազգային բազմաթիւ օրաթերթեր :
«Կլոպալ Թայմս» օրաթերթը յօդուածով մը դրական կերպով արտայայտուած է Չինաստանի առաջին եպիսկոպոսին օծումի մասին : Իսկ Չինական մէկ օրաթերթի մը հետ ունեցած զրոյցի մը ընթացին նորօծ եպիսկոպոսը նշած է՛ որ օծման արարողութիւնը կայացած է անդորր, համերաշխ եւ ուրախ մթնոլորտի մէջ:
Նշենք, թէ Չինաստանի մէջ նորօծ եպիսկոպոսը իր օծումին որպէս կարգախօս ընտրած է «Ողորմածներ ինչպէս Հայրը» : Միեւնոյն բառերով Ֆրանչիսկոս Պապ ստէպ արտայայտուած է Ողորմածութեան յոբելենական տարուան ընթացքին:
54 ամեայ Չինաստանի նորօծ եպիսկոպոսը, գերապայծառ Անթոնիօ Եաօ Շուն իր նախնական կրթութիւնը ստացած է Փեքինի ազգային նորընծայարանին մէջ: Ան արտասահմանի մէջ մասնագիտացած է ծիսական գիտութիւններու մէջ:
Չինաստան վերադարձին գերապայծառը, ծիսագիտութիւն դասաւանդած է Փեքինի ազգային նորընծայարանէն ներս :
2010-ին եղած է Ժինինլի թեմի եպիսկոպոսի օգնականը:
Նշենք, թէ այսօր՝28 օգոստոսին, Չինաստանի մէջ օծուեցաւ երկրորդ այլ եպիսկոպոս մը՝ գերապայծառ Սթեֆանօ Քսու Հոնկվէյը
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
