Ոչ եւս է Մեքսիքոյի Ժալափա թեմի երբեմնի արքեպիսկոպոս կարդինալ Սերճ Օպեսօ Ռիվերա:
Վազգէն Աբարդեան - Վատիկան
Արքեպիսկոպոս Սերճ Ռիվերա իր մահկանացուն կնքած է կիրակի 11 օգոստոսին: Անոր յուղարկաւորութեան եւ թաղման կարգը տեղի պիտի ունենայ երեքշաբթի 13 օգոստոսին, կէսօրին, Ժալափա քաղաքի մայր տաճարէն ներս:
Կարդինալ Սերճ Ռիվերա անդամ էր քահանայապետ ընտրելու իրաւունք չ՝ունեցող կարդինալական դասին: Անոր մահուամբ կարդինալական դասը այժմ կը հաշուէ ընդհանուր 216 ծիրանաւորներ՝ 119 քահանայապետ ընտրելու իրաւունք ունեցող կարդինալներ եւ 97՝ ընտրելու ոչ իրաւունք ունեցող:
Մեքսիքոյի Ժալափա թեմի երբեմնի արքեպիսկոպոս կարդինալ Սերճ Օպէսօ Ռիվերա ծնած էր 31 հոկտեմբեր 19321-ին: Մարդաբանական ուսումները աւարտելէ ետք, Հռոմի Յիսուսեան միաբանութեան Գրիգորեան համալսարանէն ներս ուսանած է Աստուածաբանութիւն:
Ան Քահանայ ձեռնադրուած է 31 հոկտեմբեր 1954-ին: 29 յուլիս 1971-ին, եպիսկոպոս ձեռնադրուելէ ետք եղած է Փափանթլա թեմի առաջնորդը:
18 նոյեմբեր 1982-ին, երկու անգամուայ համար ընտրուած է Մեքսիքոյի եպիսկոպոսաց համահաւաք դասի նախագահ:
28 յունիս 2018-ին, Ֆրանչիսկոս Պապ արքեպիսկոպոս Ռիվերան բարձրացուցած է կարդինալական դասին:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ