Cerca

Vatican News
«ԵՕՐ» Վատիկանի Դրամատան շէնքը «ԵՕՐ» Վատիկանի Դրամատան շէնքը 

«ԵՕՐ»ի՝ Վատիկանի Դրամատան 2018-ի հաշուեկշիռը։ 17,5 մլն հասոյթը նուիրուեցաւ Քահանայապետին։

2018-ի 17.5 մլն զուտ շահը ամբողջութեամբ յատկացուեցաւ Քահանայապետի բարեգործական ձեռնարկներուն։

Ռոպէր Աթթարեան - Վատիկան

«ԵՕՐ»  կրօնական գործերու հաստատութիւնը- Վատիկանի Դրամատունը – հրապարակեց 2018-ի հաշուեկշիռը, որուն մէջ ի յայտ կու գայ 17.5 մլն Եւրոյի շահ որ ամբողջութեամբ նուիրուեցաւ Ֆրանչիսկոս Պապին։

«Շարունակելով աշխարհի մէջ Կաթողիկէ Եկեղեցւոյ եւ Վատիկանի Պետութեան ի նպաստ ծառայութիւնը, որուն նպատակն է խթանել «աղքատ երկիրներու զարգացումը» ու «իրականացնել ընկերային ու բարեսիրական գործունէութիւններ» ԵՕՐը 2018 թուականին սպասարկութիւն մատուցեց 14.953 յաճախորդներուն։

Հիմնուելով  Ֆրանչիսկոս Պապին «Աւետարանի Ուրախութիւնը» առաքելական յորդորագիրի վրայ, ուր նշուած է որ «Դրամը պէտք չէ իշխէ այլ ծառայէ» ԵՕՐը կը շարունակէ իր ֆինանսական ծառայութիւնը մատուցել ի նպաստ աղքատ երկիրներու ու բարեգործական գործունէութիւններու,  համագործակցելով ընկերութիւններու հետ որոնց  գործունէութիւնը կը համապատասխանէ Կաթողիկէ Եկեղեցւոյ Վարդապետութեան։

Ունկնդրէ լուրը
12/06/2019, 10:51