«Վաստակաւոր Պապ» տիտղոսակիր գիրք մը կը բացատրէ Պենետիկտոս ԺԶ-ի տիտղոսը:
Վազգէն Աբարդեան - Վատիկան
Ռոզարիօ Վիթալէ Իտալացի հեղինակ մը վերջերս հրապարակած է հատոր մը, ուր գիտական որոնումներ կատարած է պատմութեան հոլովոյթին Սուրբ Պետրոսի գահէն հրաժարեալ քահանայապետերու մասին: Ան գիրքին մէջ բաղդատութիւն կատարած է Կղեղես Ե եւ Ռացինկեր երկու Պապերու միջեւ, քննարկելով այժմեան Վաստակաւոր Պապին կանոնական կարգավիճակը, որ տակաւին ողջ է եւ կը բնակի Վատիկանի Մաթեր Էքլեզիէ վանքէն ներս:
Ռոզարիօ Վիթալէ Իտալացի հեղինակը գիտական բարձր մակարդակի վրայ ուսումնասիրութիւն կատարած է Պենետիկտոս ԺԶ պապի Սուրբ Պետրոսի գահէն հրաժարելէ ետք որդեգրած «Վաստակաւոր Պապ» տիտղոսին շուրջ:
Գիրքը բաղկացած է երեք գլուխներէ: Առաջին գլուխին մէջ հեղինակը կ՝անդրադառնայ պատմութեան մէջ Սուրբ Պետրոսի գահէն իրենց հրաժարականը տուող Պապերուն պատմութեան, երկրորդ գլուխին մէջ բաղդատութիւն կատարած է Կղեմէս Ե եւ 11 փետրուար 2013ին, Պենետիկսո ժԶ երկու պապերուն միջեւ: Երրորդ գլուխին մէջ ուսումնասիրութիւն կատարած է Պենետիկտոս ԺԶ հրաժարեալ պապին կանոնական կարգավիճակին եւ «Վաստակաւոր Պապ» տիտղոսի շուրջ :
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ