Որոնել

Vatican News
Կարդինալ Պեչչու Կարդինալ Պեչչու 

Սուրբերու դատի ժողովի հիմնադրութեան 50 ամեակի առթիւ Սուրբ պատարագ Սուրբ Պետրոսի տաճարին մէջ:

Սուրբերու դատի ժողովը հիմնուած է Սուրբ Պօղոս Զ Պապին օրով:

Վազգէն Աբարդեան - Վատիկան

Հինգշաբթի, 8 մայիս 2019-ին, յետմիջօրէին, Սուրբերու դատի ժողովի հիմնադրութեան յիսուն ամեակի առթիւ, սուրբերու դատի ժողովի նախագահ՝ կարդինալ Անճելօ Պեչչուն, մատուցեց սուրբ Պատարագ,՝ Սուրբ Պետրոսի տաճարէս ներս, մասնակցութեամբ , ծիրանաւորներուն, եպիսկոպոսներուն եւ ժողովի համագործակիցներուն:
Այս առթիւ արտասանած քարոզին սկիզբը կարդինալ Պեչչու, գոհութիւն յայտնեց Աստուծոյ Սուրբերու դատի ժողովին հիմնադրութեան 50 ամեակին համար:

Ծիրանաւորը ապա շնորհակալութիւն յայտնեց ժողովի բոլոր գործակիցներուն, Աստուածաբանական, պատմական մասնագէտներուն, քննիչ բժիշկներուն, որոնք կը գործեն՝ Ի Փառս Աստուծոյ ,յատկապէս Անոր որդիներուն սրբութեան փառքին համար:

Ան ապա յիշեց Սուրբ Պօղոս Զ Պապը, որ 8 մայիս 1969-ին, հիմնեց Սուրբերու դատի ժողովը եւ որուն միջոցաւ եկեղեցւոյ մէջ թափ առաւ կենսունակ նոր դարաշրջան մը՝ յատկանշուած Աստուծոյ ծառաները խորաններու պատուոյն առաջնորդելու ուշադիր գործընթացներով:

Կարդինալ Պեչչու ապա մէջբերելով ֆրանչիսկոս Պապին «Ուրախացէք եւ Ցնծացէք» յորդորագիրէն - Սրբութիւնը եկեղեցւոյ ամենէն գեղեցիկ դիմագծին է- հատուածը նշեց,  թէ Պապին սոյն պատուէրը,  Սուրբերու դատի ժողովին համար խթան հանդիսացաւ, հաւատքի աչքերով , յաւելեալ աշխուժութեամբ ջանք թափելու,  նկատի առնելով,  երանելիներուն, սուրբերուն զօրութիւնն ու գեղեցկութիւնը:

Ան ապա դիտել տուաւ, որ սրբակեաց կեանք ապրելու համար, Եկեղեցին ծիսական տարւոյն ընթացքին միշտ կը հրաւիրէ յիշել սուրբերը եւ բոլոր անոնք որոնք եղբայրսիրութիւնը լիուլի ապրեցան, եւ անոնք որոնք իրենց առօրեայ կեանքին մէջ գիտցան հետեւիլ Քրիստոսին:
Կարդինալ նշեց նաեւ թէ վերջին տասնեակ տարիներուն, սուրբերու դատի ժողովէն ներս յատուկ ուշադրութիւն ցուցաբերուած է այն երանելիներուն, սուրբերուն, որոնք իրենց անբիծ քրիստոնէական կեանքին մէջ նպաստած են Աւետարանի պատգամը աւելի հրապուրիչ դարձնելու եւ եկեղեցւոյ առաքելութիւնը՝ առ աւելիով հաւատալի:

Ան եզրափակեց իր քարոզը, Սուրբերու դատի ժողովի հիմնադրութեան յիսուն ամեակի նշումը առիթ նկատելով  վերանորոգելու իրենց յանձնառումն ու սերտ գործակցութիւնը Սրբազան Պապին հետ՝ անկեղծ ծառայութեամբ, միաժամանակ  նպաստելով աւետարանումի առաքելութեան:
 

09/05/2019, 08:00