Որոնել

Vatican News
Սուրբ Աթոռի Մամլոյ Գրասենեակի ժամանակաւոր տնօրէն՝ Ալեսսանտրօ  Ճիզոթթի Սուրբ Աթոռի Մամլոյ Գրասենեակի ժամանակաւոր տնօրէն՝ Ալեսսանտրօ Ճիզոթթի 

Ֆրանչիսկոս Պապին զօրակցութիւնը Լեհաստանի մէջ սեռային չարաշահումներու զոհերուն։

Վերջին օրերուն Լեհաստանի մէջ մեծ գայթակղութիւն յարուցած է կղերական դասին կողմէ չարաշահումներու մասին լոյս տեսած վաւերագրական ժապաւէն մը։

Ռոպէր Աթթարեան - Վատիկան

Սուրբ Աթոռի մամլոյ գրասենեակի ժամանակաւոր բանբեր՝ Տիար Ալեսսանտրօ Ճիզոթթի, 17 մայիսին հրապարակած մէկ հաղորդագրութեամբ, յայտնեց թէ «Լեհաստանի մէջ առաքելական նուիրակ գերապայծառ Սալվաթորէ Փեննաքիօ, Սրբազան Քահանայապետին եւ իր անունով մօտիկութիւն ու զօրակցութիւն  յայտնեց Լեհաստանի մէջ կղերականներու կողմէ սեռային չարաշահումներու թիրախ եղած զոհերուն»։

Վերջին օրերուն Լեհաստանի մէջ մեծ գայթակղութիւն յարուցած է կղերական դասին կողմէ չարաշահումներու մասին լոյս տեսած վաւերագրական ժապաւէն մը։

Ճիզոթթի յայտնեց նաեւ որ եկող ամիս, Լեհաստանի եպիսկոպոսական համահաւաք դասի հրաւէրով, լեհաստան պիտի մեկնի Մալթայի Արքեպիսկոպոս եւ Հաւատոյ Ժողովի օգնական քարտուղար՝ գերապայծառ Շարլ Շիքլունա, որ մեր յանձնառութեամբ կը գործէ  եկեղեցւոյ  մէջ չարաշահումներուն  դէմ մղուած պայքարի ծիրէն ներս։  

17/05/2019, 15:27