Vatican News
Սուրբերու դատի ժողովի կառավարիչ Կարդինալ Պեչչու Սուրբերու դատի ժողովի կառավարիչ Կարդինալ Պեչչու  (ANSA)

Ֆրանչիսկոս Պապ վաւերացուց Սուրբերու Դատի Ժողովին հայող մի քանի հրամանագիրեր։

Քահանայապետը հաւանութիւն տուաւ հրապարակելու Աստուծոյ ծառայ պրազիլցի Քահանայ Հայր Տոնիցեթթի Թավարէսի բարեխօսութեան վերագրուած հրաշքին հրամանագիրը

Ռոպէր Աթթարեան - Վատիկան

Անցեալ շաբաթ  6 ապրիլ 2019-ին, Ֆրանչիսկոս Սրբազան Քահանայապետը, ունկնդրութիւն շնորհելով Սուրբերու դատի Ժողովի կառավարիչ՝ կարդինալ Անճելօ Պեչչուին, վաւերացուց անոր ներկայացուցած Սուրբերու Դատի Ժողովին մի քանի հրամանագիրեր։

Սրբազան Քահանայապետը հաւանութիւն տուաւ հրապարակելու Աստուծոյ ծառայ պրազիլցի Քահանայ Հայր Տոնիցեթթի Թավարէս Տէ Լիմայի բարեխօսութեան վերագրուած հրաշքին հրամանագիրը, որով ան կը դասուի երանելիներու շարքին։ Հայր Տոնիցեթթի ծնած է 3 Յունուար 1882-ին Պրազիլի Քասսիա քաղաքին մէջ ու մահացած է 16 յունիս 1961ին Պրազիլի Կամպաու քաղաքին մէջ։ Ան եղած է գաղթականներու առաքեալ ու միշտ մօտիկ գտնուած է ու պաշտպան կանգած հարստահարուածներուն եւ իտալացի փախստականներուն։ 

Նորին Սրբութիւնը ապա վաւերացուց  Աստուծոյ ծառաներու եւ աղախիններու հերոսական առաքինութիւններուն հայող հրամանագրերը.

Իտալացի քահանաներ,  Հայր Քարլօ Քավինա (29.08.182 – 15.09.1880), Քափուչին միաբանութեան անդամ Հայր Ռաֆայելէ Սան Էլիա  (14.12.1816 – 06.01.1901), եւ Հայր Տամիանօ Տա Պոցցանօ (05.11.1898 – 31.05.1997), Ֆրանսացի նուիրեալ եղբայր Վիթթորինօ Նիմֆաս Առնօ Փակէս (07.09.1885 – 16.04.1966), Իտալացի կրօնաւորուհի Քոնսոլաթա Պերթոնէ (06.04.1903 – 18.07.1964), Պրազիլցի աշխարական փոքրիկ երեխայ՝ Նելսոն Սանթանա (31.07.1955 – 24.12.1964) եւ Իտալացի աշխարհական Կաէթանա Թոլոմէօ (10.04.1936 – 24.01.1997)

08/04/2019, 10:34