Վենեզուելլայէն պատուիրակութիւն մը Վատիկանի մէջ:
Վազգէն Աբարդեան - Վատիկան
Երկուշաբթի, 11 փետրուար 2019-ին, Վենեզուելլայէն ժամանած պատուիրակութիւն մը այեցլեց Վատիկանի Պետական քարտուղարութիւն: Այս մասին յայտնեց Սուրբ Աթոռի մամլոյ գրասենեակի ժամանակաւոր տնօրէն՝ Ալեսսանտրօ Ճիզոթթին:
Հանդիպումի ընթացքին վերահաստատուած է ֆրանչիսկոս Պապին եւ Սուրբ Աթոռի մօտիկութիւնը Վենեզուելլայի ժողովուրդին նկատմամբ, յատուկէն բոլոր տառապողներուն: Ընդգծուեցաւ Սուրբ Աթոռի խոր մտահոգութիւնը ու տագնապի խաղաղ եւ արդար լուծում գտնելու հարկաւորութիւնը՝ տագնապալի ստեղծուած իրավիճակը յաղթահարելու ի խնդիր, յարգելով մարդկային իրաւունքները եւ որոնելով երկրին համայն բնակչութեան բարիքը՝ խուսափելով արիւնահոսութենէ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ