Cerca

Vatican News
Կարդինալ Ճոն Հենրի Նիւման Կարդինալ Ճոն Հենրի Նիւման 

Սուրբ Պիտի հռչակուի Անգլիացի կարդինալ Ճոն Հենրի Նիւմանը:

ֆրանչիսկոս Պապ արտօնեց, որ Սուրբերու դատի ժողովը հրապարակէ նոր սուրբերու եւ երանելիներու հայող հրամանագիրերը:

Վազգէն Աբարդեան - Վատիկան

Երեքշաբթի, 12 փետրուարին, ֆրանչիսկոս Պապ ունկնդրութիւն շնորհեց Սուրբերու դատի ժողովի կառավարիչ, Կարդինալ Անճելօ Պեչչուն, որուն ընթացքին արտօնեց, որ Սուրբերու դատի ժողողը հրապարակէ նոր երկու սուրբերու, մէկ երանելիի եւ 5 երանաշնորհներու հայող հրամանագիրերը:

Մօտիկ ապագային սուրբ պիտի հռչակուի , Երանելի Ճովաննի Էնրի Նիւման: Ան եղած է անդամ Հռոմի եկեղեցւոյ կարդինալական դասին: Ծնած է Անգլիա՝ 1801 թուականին, վախճանած է Անգլիոյ մէջ 11 օգոստոս 1891ին:
Երանելի Նիւման, Անգլիոյ մէջ հիմնած է «Սուրբ Ֆիլիփփօ Ների» Ժողովրդապետութեան կից գտնուող պատանիներուն հաւաքավայրին:

Սուրբ պիտի հռչակուի Երանելի Մարիա Թերզա Շիրամել Մանքիտիյան: Ան ծնած է Հնդկաստան ՝ 1876-ին, վախճանած է 11 օգոստոս 1926-ին: Եղած հիմնադրուհին Սուրբ Ընտանիքի քոյրեր միաբանութեան:

Երանելի պիտի հռչակուի ապա Աստուծոյ ծառայ Սալվաթորէ Էմիլիօ Մոսկոսօ Քարտենաս: Յիսուսեան միաբանութեան անդամ կղերականը, ծնած է Էքուատորի մէջ 21 ապրիլ 1846-ին ապա իր դաւանած քրիստոնէական հաւատքին համար ատելութեամբ սպաննուած է ՝4 մայիս 1897-ին՝ Էքուատորի Ռիոպամպա քաղաքին մէջ:

Մինչ՝ մարտիրոսական առաքինութիւններու ճանաչումով Երանաշնորհ կը դառնան հինգ Աստուծոյ ծառաներ եւ աղախիններ

Աստուծոյ ծառայ կարդինալ Ճուզեփփէ Մինտսզենթի: Ան եղած է Հունգարիոյ թեմի երբեմնի արքեպիսկոպոսը: Ծնած Հունգարիա 23 մարտ 1892-ին- հոգին աւանդած է Վիեննայի մէջ 6 մային 1975-ին:

Աստուծոյ ծառայ Ճովաննի Պաթթիսթա Զուապոն: Ան եղած թեմական քահանայ եւ հիմնած է Սուրբ ընտանիքի աշխարական ընկերակցութիւն անուան միաբանութիւն: ծնած է Իտալիոյ Վեսթնոէ քաղաք 24 մայիս, վախճանած է 12 դեկտեմբեր 1939-ին

Աստուծոյ ծառայ Էմմանուէլ Կարսիա Նիեփթօ: Յիսուսեան միաբանութեան անդամ կղերականը ծնած է Սպանիա 5 ապրիլ 1894-ին, հոգին աւանդած է 13 ապրիլ 1974-ին:

Աստուծոյ աղախին Սերաֆինա Ֆորմայ, աւազանի անունով Լեթիցիա: ան ծնած Իտալիա 28 օգոստոս 1876-ին, վախճանած է 1 յունիս 1954-ին : Եղած է հիմնադրուհին Lieto Messaggio միսիոնար մայրապետներուն միաբանութեան:՝

Աստուծոյ աղախին Մարիա Պերենիս Տուքուէ Հենքեր: Ան ծնած է Քոլոմպիա 14 օգոստոս 1898-ին եւ վախճանած է 25 յուլիս 1993-ին: հիմնած է աւետման մայրապետներու միաբանութեան:

 

13/02/2019, 11:54