Cerca

Vatican News
Քահանայապետական երգչախումբը Քահանայապետական երգչախումբը 

Երգչախումբերու միջազգային Գ հաւաք Վատիկանի մէջ։

Համագումարի օրակարգը կը նախատեսէ ապա Ֆրանչիսկոս Սրբազան Քահանայապետին հետ հանդիպում։

Ռոպէր Աթթարեան - Վատիկան

Նոր Աւետարանութեան Քահանայապետական խորհուրդի նախաձեռնութեամբ եւ համագործակցութեամբ «Nova Opera Onlus» ընկերակցութեան, 23-25 նոյեմբեր 2018-ին, Վատիկանի Պօղոս Զ անուան դահլիճին մէջ տեղի կ՛ունենայ երգչախումբերու միջազգային Գ համագումարը, որուն իրենց մասնակցութիւնը պիտի բերեն աշխարհի զանազան երկիներէն ժամանած 7000 երգիչ ու երաժիշտներ։

Համագումարի օրակարգը կը նախատեսէ ապա հանդիպում Ֆրանչիսկոս Սրբազան Քահանայապետին հետ, որ տեղի կ՛ ունենայ 24 նոյեմբեր 2018-ի առաւօտեան 11.30-ին։

Համագումարի եզրափակումը նախատեսուած է Կիրակի 25 նոյեմբերի առաւօտեան, Սուրբ Պետրոսի մէջ կայացած Սուրբ պատարագի արարողութեամբ, զոր պիտի նախագահէ  Նոր Աւետարանութեան Քահանայապետական խորհուրդի նախագահը Գերապայծառ Ռինօ Ֆիզիքելլա։ Սուրբ Զոհի աւարտին բոլոր ներկաները պիտի ուղղուին Սուրբ Պետրոսի հրապարակ մասնակցելու համար կիրակնօրեայ Մարեմեան աղօթքին։

22/11/2018, 09:08