Սրբուհի Մոնիքայի ծիսական տօնին նուիրուած Քահանայապետական թուիթ։

Ռոպէր Աթթարեան - Վատիկան

Երկուշաբթի 27 օգոստոս 2018-ին, Կաթողիկէ եկեղեցին կը յիշատակէ՝ Սուրբ Օգոստինոսի մայր՝  Սրբուհի Մոնիքայի ծիսական տօնը։  Ան կեանքի դժուար պահերու ընթացքին գիտցաւ յարատեւել հաւատքի ուղեւորութեան մէջ, սորվելով ընդունիլ Աստուծոյ կամքը, ու այս մէկը կարողացաւ կատարել աղօթքի ուժով։ Ան իր ամուսինը առաջնորդեց ընկալելու քրիստոնէական հաւատքը եւ մօտիկ եղաւ ու ընկերացաւ իր զաւակներուն ուղեւորութեան, յատկապէս կրցեր զաւկին՝ Օգոստինոսին որ մոլորուած էր աշխարհի հաճոյքներով եւ շնորհիւ իր մօր աղօթքներուն ու միջամտութիւններուն, դարձի եկաւ ու ապրեցաւ սրբակեաց կեանք մը՝ ինքզինք ամբողջովին նուիրելով Աստուծոյ ծառայութեան։

Սրբուհի Մոնիքայի տօնին առթիւ Ֆրանչիսկոս Պապ հրապարակեց թուիթ մը որուն մէջ գրեց «Սիրելի մայրեր, Սրբուհի Մոնիքայի նման երբեք մի յուսահատիք, առանց յոգնելու աղօթեցէք ձեր զաւակներուն համար»։