Պեթա տարբերակ

Cerca

Vatican News
Կարդինալ Փիեթրօ Փարոլին Կարդինալ Փիեթրօ Փարոլին 

Հեռախօսային կապ Կարդինալ Փարոլինի եւ ԱՄՆ-ի փոխ նախագահ Մայք Փէնսի միջեւ:

Կարդինալ Փարոլին եւ Մայք Փենս դատապարտած են բռնութիւնը եւ ապահովցուցած են իրենց աջակցութիւնը Նիքարակուայի Եպիսկոպոսական Ժողովին

Հայր Ներսէս Սագայեան - Վատիկան

Վատիկանի պետական քարտուղար Կարդինալ Փիեթրօ Փարոլին եւ ԱՄՆի փոխ նախագահ Մայք Փէնս, օգոստոս 10ին հեռախօսային կապով քննարկած են Նիքարակուայի իրավիճակը։ Փենս գիտակից է, թէ վերջին տարուան ընթացքին Նիքարակուայի մէջ Կաթողիկէ Եկեղեցին ներկայացած է իբր կարեւոր ոյժ մը՝ միջնորդութեան եւ երկխօսութեան մարզէն ներս։ Ան դրուատած է Եկեղեցին՝ ի նպաստ մարդկային իրաւունքներու եւ կրօնական ազատութեան, եւ տարածաշրջանի խաղաղութեան ի սպաս բանակցութիւններու խթանումի կատարած աշխատանքին համար:

Նիքարակուան արդէն չորս ամիսներէ ի վեր անհանդարտ վիճակի մէջ է՝ նախագահ Տանիէլ Օրթեկայի դէմ յարուցուած ընդդիմադրութեան պատճառով։
Կարդինալ Փարոլին եւ Մայք Փենս դատապարտած են բռնութիւնը եւ ապահովցուցած են իրենց աջակցութիւնը Նիքարակուայի Եպիսկոպոսական Ժողովին եւ անոր աշխատանքին՝ նեցուկ կանգնելու ժողովրդավարութեան եւ մարդկային իրաւունքներու։ Նախագահ Օրթեկայ մեղադրած էր Նիքարակուայի Եկեղեցին, թէ անոնք կը փորձեն տապալել իր պետութիւնը։
 

14/08/2018, 10:06