Արարչագործութեան խնամքի համաշխարհային օրուան առիթով համամիութենական աղօթք

Վազգէն Աբարդեան - Վատիկան

Արարչագործութեան խնամքի ծիրէն ներս կազմակերպուած համաշխարհին աղօթքի օրուան առիթով, օգոստոս 31-էն, սեպտեմբեր 1, Իտալիոյ Ասիզի Սրբավայրին մէջ տեղի կ՝ունենայ միասնական համամիութենական աղօթք՝ կազմակերպուած կլիմայի ի սպաս համաշխարհային կաթողիկէ շարժումի եւ տարբեր քրիստոնեայ եկեղեցիներէն կազմուած «արարչագործութեան ժամանակ» գործադիր կոմիտէի կողմէ:

Համամիութենական աղօթքի ձեռնարկը կ՝իրականացուի Ասիզի-Նոչերերա -Ումպրա թեմի եւ Ասիզի Սրբավայրի համագործակցութեամբ:

Սուրբ Ֆրանչիսկոս Ասիզացիին սրբավայրէն ներս տեղի ունեցող համամիութենական աղօթքը սկիզբ կ՝առնէ ուրբաթ 31-ին, եւ վերջ պիտի գտնէ սեպտեմբեր 1-ին,- համամիութենական միասնական յայտարարութեամբ, հռչակուելիք վերոյիշեալ եկեղեցւոյ աւագ խորանէն:

Արարչագործութեան խնամքի համաշխարհային աղօթքի օր ծրագրի զուգահեռ, կազմակերպուած է «Ասիզացի Ֆրանչիսկոսի շաւիղ» բնաբանով ուխտագնացութիւն, ի տես աշխարհի հզօր 24 երկիրներու կենսոլորտի մասին գումարուելիք վեհաժողովին:

Յիշեալ ուխտագնացութիւն սկիզբ պիտի առնէ Ասիզզի սրբավայրէն եւ վերջ պիտի գնտէ Լեհաստանին մէջ:

Յայտնենք թէ Եւրոպայի եկեղեցիներու համահաւաք դասը ինչպէս նաեւ Եւրոպայի եպիսկոպոսաց համահաւաք դասի խորհուրդը, միասնական տեսերիզով մը հանդէս եկած են յայտարարութեամբ մը որուն մէջ հաւատացեալներէն կը խնդրեն որ աղօթեն արարչագործութեան համար:

Եպիսկոպոսաց համահաւաք դասի խորհուրդի նախագահ Կարդինալ Անճելօ Պանիասքօ տեսերիզին մէջ կատարած յայտարարութեան մէջ շեշտած է համապարփակ բնապահպանութեան կարեւորութիւնը, որ կը ներառէ մարդկային բնապահպանութիւն, այսինքն մարդու եւ իւրաքանչիւր անձին արժանապատուութեան հանդէպ յարգանքը ՝ սաղմէն մինչեւ բնական մահ:

Յիշեալ բնապահպանութեան պատասխանատուութենէն անդին իւրաքանչիւր անհատ պատասխանատուութիւնը ունի նաեւ իւրաքանչիւր անհատի եւ ժողովուրդներուն հանդէպ, ըսած է ծիրանաւորը: