Պեթա տարբերակ

Cerca

Vatican News
SOUTH KOREA VATICAN DIPLOMACY Գերապայծառ Կալլակեր Եւ Հարաւային Քորէայի նախագահը  (ANSA)

Գերապայծառ Փոլ Կալլակերի այցելութիւնը՝ Հարաւային Քորէա։

Պետութիւններու հետ յարաբերութեան բաժանմունքի Վատիկանի Քատուղարը վեցօրեայ այցելութեամբ կը ժամանէ հարաւային Քորէա:

Վազգէն Աբարդեան - Վատիկան

Հինգշաբթի, 5 յուլիսին, սկիզբ առաւ «պետութիւններուն հետ յարաբերութեան բաժանմունքի քարտուղար»՝Գերապայծառ Փոլ Կալլակերի վեցօրեայ այցը Հարաւային Քորէա:

Գերապայծառ Կալլակերի այցելութեան օրակարգը 5 յուլիսին կը նախատեսէ հանդիպում Հարաւային Քորէայի հանրապետութեան նախագահ Մուն Ճէ-ի հետ որմէ ետք այցելութիւն Հարաւային եւ Հիւսիսային Քորէաները բաժնող ապառազմականացուած տարածքը:

Ուրբաթ, 7 յուլիսին գերապայծառ Փոլ Կալլակեր կը հանդիպի Հարաւային քորէայի արտաքին գործոց նախարար տիար Քեունկ Վհայի հետ ինչպէս նաեւ երկրի աւելի քան 40 կաթողիկէ երեսփոխաններուն հետ: Մինչ շաբաթ 7 յուլիսին՝ Վատիկանի դիւանագէտը ելոյթ կ՝ունենայ Խաղաղութեան եւ մարդկային իրաւանց մասին գումարուած Կաթողիկէ վեհաժողովին: Ան ապա կիրակին 9 յուլիսն Սէուլի մայր տաճարին մէջ կը մատուցէ Սուրբ Պատարագ:

Սուրբ Աթոռի մամլոյ գրասենեակի հրապարակած հաղորդագրութեան համաձայն Վատիկանի դիւանագէտին եւ Հարաւային Քորէայի նախագահին միջեւ կայացած հանդիպումը տեղի ունեցած է սիրալիր մթնոլորտին մէջ, հարուստ պարունակութեամբ։ Գերապայծառ Կալլակեր Հարաւային Քորէայի նախագահին փոխանցեց Ֆրանչիսկոս Պապի զօրակցութիւնն ու աղօթքը՝ Քորէական թերակղզիինն խաղաղութեան եւ համերաշխութեան գործընթացին ի սպաս:

Կարեւոր համարուեցաւ նաեւ մարդասիրական բնոյթ ունեցած որեւէ ձեռնարկի ձեռքբերումը, ինչպէս նաեւ երիտասարդներուն մէջ խաղաղութեան խթանումը։
 

05/07/2018, 12:43