Սրբազան Քահանայապետի Պարիի մէջ հանդիպումի ներկայացումի մամլոյ ասուլիս։

Ռոպէր Աթթարեան - Վատիկան

Յառաջիկայ 3 Յուլիս 2018-ի առաւօտեան 11-ին, Սուրբ Աթոռի մամլոյ գրասենեակի կեդրոնական սրահին մէջ տեղի կ՛ունենայ մամլոյ ասուլիս ներկայացնելու  համար Ֆրանչիսկոս Պապին յառաջիկայ 7 Յուլիս 2018-ին, Պարի կատարելիք այցելութիւնը ու այդ այցելութեան առթիւ Միջին Արեւելքի քրիստոնեայ հասարակութիւններու Հոգեւոր Պետերու հետ ունենալիք աղօթքի հանդիպումը, որուն բնաբանն է «Խաղաղութիւնը քու հետդ։ Քրիստոնեաները միասին Միջին Արեւելքին համար»։

Մամլոյ ասուլիսին ելոյթ կ՛ունենան Կարդինալ Լէոնարտօ Սանտրի՝ Արեւելեան Եկեղեցիներու Ժողովի կառավարիչը եւ Կարդինալ Քիւրդ Քոխը Քրիստոնեաներու միութեան խթանման քահանայապետական խորհուրդի նախագահը։