Պեթա տարբերակ

Cerca

Vatican News
Կարդինալներու ժողով Կարդինալներու ժողով 

Սուրբերու կարգ մը դատերու հայող Կարդինալական սովորական հանրային ժողով

Վատիկանի մէջ տեղի պիտի ունենայ սուրբերու դատի հայող կարդինալական ժողով նախագահութեամբ Ֆրանչիսկոս Պապին

Վազգէն Աբարդեան - Վատիկան

Շաբաթ, 19 մայիս 2018-ին, առաւօտեան ժամը 10,00ին, Վատիկանի Առաքելական Պալատին «Քոնչիսթորօ» անուան դահլիճին մէջ ֆրանչիսկոս Պապի գլխւորութեամբ տեղի պիտի ունենայ երրորդ ժամու ժամասացութիւն եւ կարդինալներու ժողով՝ քննարկելու համար հետեւեալ երանելիներու սրբադասման դատերը

- Աւազանի անունով ճովաննի Պաթթիսթա Մոնթինի, Պօղոս Զ Սրբազան քահանայապետի սրբադասումը
- Սան Սալվատոր թեմի երբեմնի արքեպիսկոպոս, նահատակ Օսքար Արնուլֆոյի սրբադասումը:
- Ֆրանչեսքօ Սփինելլի, թեմական քահանայ՝ հիմնադիրը մայրապետներու Սուրբ խորհուրդի պաշտամունքի միաբանութեան:
- Թեմական քահանայ հայր Վինչենցօ Ռոմանոյի սրբադասումը:
- Մարիա Քաթերինա Քասփեր «Յիսուս քրիստոսի փոքրիկ սպասուհիներու» միաբանութեան հիմնադրուհիին սրբադասումը։
- Հուսկ՝ աւազանի անունով Նազարիա Ինիացիա Մեսա, Յիսուսի Սրբուհի Թերեզայի Նազարիա Ինիացիա, Misioneras Cruzadas de la Iglesia. Մայրապետներու միաբանութեան հիմնադրուհիին սրբադասումը:
Այս մասին յայտնեց Քահանայապետական ծիսական արարողութիւններու պատասխանատու Գերապայծառ Կուիտօ Մարինի:
 

03/05/2018, 14:36