Ֆրանչիսկոս Պապ յարգանքի տուրք մատուցեց Իտալիոյ նախկին նախագահ վախճանեալ Ճորճօ Նափոլիթանոյին

Մարիամ Երեմեան – Վատիկան

Վատիկանի Մամլոյ գրասենեակի հաղորդագրութեան համաձայն, Կիրակի՝ 20 Սեպտեմբերին ժամը 13:15ին Ֆրանչիսկոս Սրբազան Քահանայապետը այցելեց «Palazzo Madama»՝ Իտալիոյ Սենատ, ուր կազմակերպուած էր 22 Սեպտեմբերին իր մահկանացուն կնքած Իտալական Հանրապետութեան վաստակաւոր նախագահ Ճորճօ Նափոլիթանոյի հոգեհանգստեան աշխարհական արարողութիւնը, յայտնելու իր անձնական ջերմութիւնը՝ ներկայութեամբ եւ աղօթքով, անոր ընտանիքի հանդէպ եւ պատուելու Իտալիոյ մատուցած անոր մեծ ծառայութիւնը։

Անցեալ սեպտեմբերի 20-ին, Սուրբ Պետրոս հրապարակին վրայ գլխաւորած հրապարակային ընդհանուր ունկնդրութեան աւարտին Սրբազան Հայրը իր մօտիկութիւնը յայտնելով Հռոմի «Salavator Mundi» հիւանդանոցին մէջ բուժում ստացող Նափոլիթանոյին՝ զԱյն բնութագրած էր որպէս «Հայրենիքի սպասաւոր»։

Մահուան օրը՝ 22 Սեպտեմբերին Ֆրանչիսկոս Պապը՝ ցաւակցական հեռագիր ուղղած էր որուն մէջ, յիշած էր Իտալիոյ կեանքի կարեւոր ընտրանքներուն մէջ անոր «հեռատեսութիւնը»։