Ֆրանչիսկոս Պապ ընդունեց ԱմՆ-ի նախկին նախագահ Պիլ Քլինթընը

Վազգէն Աբարդեան - Վատիկան

Չորեքշաբթի, 5 յուլիսին, յետմիջօրէին, Վատիկանի Սանթա Մարթա Տան մէջ, Ֆրանչիսկոս Պապ ընդունեց Միացեալ նահանգներու նախկին նախագահ Պիլ Քլինթընը։

Նորին Սրբութեան եւ Ամերիկայի նախկին նախագահի միջեւ տեղի ունեցած առանձնազրոյցի ընթացքին քննարկուած է խաղաղութեան նիւթը։

Հանդիպումի աւարտին ,ֆրանչիսկոս Պապ հանդիպած եւ ողջունած է Ամերիկայի նախագահին դէպի Հռոմ եւ Եւրոպա ընկերացող անվտանգութեան մարմնի անադամները։, որոնք առիթը ունեցան նաեւ այցելելու Վատիկանի կարգ մը վայրերը։

Պիլլ Քլինթըն որ եղած է Միացեալ նահանգներուն 42 րդ նախագահը 1993 յունուար ամիսէն մինչեւ 2001 յունուար ամիս, Վատիկան այցելած էր 2 յունիս 1994ին ու հանդիպած էր Սուրբ Յովհաննէս Պօղոս Բ Պապին հետ։