Ֆրանչիսկոս Պապը գլխաւորեց խորհրդատու կարդինալներու Նորակազմ Խորհուրդի առաջին ժողովը
Վատիկան Նիուզ – Հայկական Բաժանմունք
Քահանայապետի ներկայութեամբ, այսօր` 24 ապրիլ 2023ին, Վատիկանի մէջ սկիզբ առաւ Կարդինալներու Խորհուրդի հերթական հաւաքը։ Ասիկա կը հանդիսանայ Քահանայապետի կողմէ անցեալ եօթը Մարտին, Խորհուրդի նոր անդամներուն նշանակումէն ետք առաջին հաւաքը։
Նոր Խորհուրդի անդամներն են. Կարդինալներ Փիեթրօ Փարոլին, Վատիկանի Պետքարտուղար, Ֆերնանտօ Վերկէս Ալծակա, Վատիկանի Պետութեան եւ Վատիկանի կառավարութեան Քահանայապետական յանձնախումբի նախագահ; Ֆրիտոլին Ամպոնկօ, Քինշասայի Արքեպիսկոպոս; Օսվալտ Կրասիաս, Պոմպէյի Արքեպիսկոպոս; Շոն Փաթրիք Օ’Մալլեյ, Պոսթոնի Արքեպիսկոպոս; Խուան Խօսէ Օմելլա, Պարսելոնայի Արքեպիսկոպոս; Ճերալտ Լաքրուա, Քեպեքի Արքեպիսկոպոս; Ժան-Քլոտ Հոլլերիխ, Լուսսեմպուրկի Արքեպիսկոպոս; Սերճօ տա Ռոքա, Սան Սալվատոր տէ Պահիայի Արքեպիսկոպոս: Քարտուղարն է Գերապայծառ Մարքօ Մելլինոն։
Քահանայապետի խորհրդատու Կարդինալներու խորհուրդը հաստատուած է 28 սեպտեմբեր 2013-ին Ֆրանչիսկոս Պապին ձեռագրիր նամակով մը, որպէս պարտականութիւն ունենալով աջակցիլ Սրբազան Քահանայապետին Տիեզերական Եկեղեցւոյ կառավարման անոր պարտականութեան մէջ, ինչպէս նաեւ ուսումնասիրել եւ իրականացնել Հռոմի Քուրիայի վերակազմակերպումը և բարեփոխումները՝ որուն արդիւնքը եղաւ «Praedicate Evangelium» առաքելական նոր սահմանադրութիւնը, հրապարակուած 2022 թուականի Մարտ 19ին։
Քահանայապետի խորհրդածու կարդինալներու առաջին ժողովը գումարուած էր 2013ի Հոկտեմբերի մէկին իսկ վերջինը անցեալ տարուայ դեկտեմբեր ամսոյն մէջ որուն կիզակէտը հանդիսացած էր Սիւնհոդոսականութեան մասին սիւնհոդոսը։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
