Ֆրանչիսկոս Պապ կ՝աղօթէ Մեքսիքոյի մէջ հրդեհի պատճառով մահացած գաղթականներու համար
Վազգէն Աբարդեան - Վատիկան
Չորեքշաբթի, 29 մարտին, Սուրբ Պետրոսի հրապարակին վրայ ներկայացուցած հրապարակային ընդհանուր ունկնդրութեան ընթացքին, ֆրանչիսկոս Պապ Սպանացի ուխտաւորներուն յղած ողջոյնի խօսքին մէջ յիշեց Չուտատ Խուարեզի մէջ տեղի ունեցած հրդեհի զոհերը՝ բռնկուած գաղթականներուն ազգային կեդրոնին մը մէջ։ Ֆրանչիսկոս Պապ սիրտի խոր ցաւով յիշեց նաեւ զոհերուն ընտանիքները խնդրելով, որ Աստուած մխիթարէ զիրենք։
Նշենք թէ Մեքսիոյի Chihuahua նահանգի մէջ տեղի ունեցած հրդեհի պատճառով մահացած են 39 անձեր եւ վիրաւորուած 29 հոգիներ։
Տեղւոյն իշխանութիւններու համաձայն հրդեհը բռնկուած է այն բանէն յետոյ երբ քաղաքին կեդրոնին մէջ կանգնած 71 գաղթականներու խումբ մը կեդրոն փոխադրուած է ։ Մեքսիքոյի նախագահ, Անտրէս Մանուէլ Լոփեզ Օպրատոր, կ՝ենթադրէ որ հրդեհը բռնկեցուցած են խումբ մը գաղթականներ, որոնք կը բողոքէն իրենց երկրէն մօտալուտ հեռանալու դէմ։
Կաուաթեմալային գաղթականներու հաստատութիւնը իր կարգին տեղեկացուց թէ հրդեհէն մահացած 39 գաղթականներու միջեւ 28 անձեր ունին Քուադամելային հպատակութիւն։
Աղօթել Ուքրանիոյ համար
Ֆրանչիսկոս Պապ ողջոյնի խօսքին մէջ խնդրեց աղօթել նաեւ Ուքրանիոյ համար որ մէկ տարիէ ի վեր կը գտնուի պատերազմի մէջ սանձազերծուած Ռուսիոյ կողմէ
Լեհերու ուղղած ողջոյնի խօսքին մէջ Ֆրանչիսկոս Պապ յիշեց, որ մի քանի օրէն պիտի ունկնդրենք Յիսուսի չարչարանքներու մասին յուզիչ նկարագրութիւն մը մաղթելով որ այդ պատմութիւնը սիրտերու մէջ արթնցնէ զղջում ու բացութիւն Քրիստոսի սիրոյ հանդէպ, որ մեզ սիրեց մինչեւ վերջ
Ֆրանչիսկոս Պապ հրաւիրեց լքել հին մարդը ու Տէրը տանիլ նոր եռանդով յատուկէն մարտիրոսցած Ուքրանիոյ մէջ տառապող եղբայրներու եւ քոյրերուն։
“Spei Satelles”ի առաքելութեան օրհնութիւնը
Հրապարակային ունկնդրութեան աւարտին ֆրանչիսկոս Պապ օրհնեց 27 մարտ 2020 թուականի Statio Orbis ի մասին փոքրիկ գրքոյկն ու զայն շրջածիր փոխադրող փոքրիկ արբանեակը, շնորհիւ Spei Satelles” առաքելութեան նախաձեռնուած եւ կազմակերպուած Սուրբ Աթոռի հաղորդակցութեան վերատեսչութեան, Իտալական անջրպետային գործակալութեան, Թորինոյի թուաբանական գիտութիւններուն վարժարանի կողմէ։
Արբանեակին մեկնարկը տեղի պիտի ունենայ 10 յունիսին Քալիֆորնիա նահանգին մէջ։ Առաքելութեան նպատակն է յոյսի պատգամը հասցնել անջրպետի մէջ համայն մարդկութեան։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
