Ֆրանչիսկոս Պապ պիտի մասնակցի «Խաղաղութեան աղաղակը» խորագիրով աղօթքի հանդիպումին։

Վազգէն Աբարդեան - Վատիկան

Երեքշաբթի, 11 հոկտեմբերին, Սուրբ Աթոռի մամլոյ գրասենեակին տնօրէն տիար Մաթէօ Պրունի պատասխանելով լրագրողներու հարցումին` տեղեկացուց, թէ յառաջիկայ 25 հոկտեմբերին, Ֆրանչիսկոս Պապ պիտի մասնակցի, Սանդ էճիտիօ հասարակութեան կողմէ կազմակերպուած Հռոմի Քոլոսսէում ամփիթատրոնի տարածքին կայանալիք «Խաղաղութեան աղաղակը» խորագիրով ձեռնարկի ծիրէն ներս նախատեսուած «Խաղաղութեան աղօթքին» աշխարհի միւս մեծ կրօններու ներկայացուցիչներուն հետ միասին։

Յայտնենք թէ ձեռնարկին ներկայացումը տեղի ունեցաւ այսօր` 11 հոկտեմբերին, Սանդ Էճիտիոյ հասարակութեան նախագահ Տիար Մարքօ Իմփալիացցոյի նախագահած մամլոյ ասուլիսի մը ընթացքին։