Ֆրանչիսկոս Պապի գլխաւորելիք արարողութիւններու օրակարգը՝ սեպտեմբերի 8-էն նոյեմբերի 2-ը

Մարիամ Երեմեան – Վատիկան

Հինգշաբթի,  8 սեպտեմբերին Քահանայապետական ծիսական արարողութիւններուն գրասենեակը լոյս ընծայեց  Ֆրանչիսկոս Պապին 8 սեպտեմբեր-2 նոյեմբեր ընթացքին գլխաւորելիք արարողութիւններու օրակարգը, համաձայն որու․

Սեպտեմբեր 13-էն 15-ը տեղի կ’ունենայ Ֆրանչիսկոս Սրբազան Քահանայապետի Ղազախստան Առաքելական ճամբորդութիւնը։

Կիրակի, 25 սեպտեմբերին նախատեսուած է Ֆրանչիսկոս Պապի Հովուական այցելութիւնը Մաթերա։

Կիրակի, 9 հոկտեմբերին առաւօտեան ժամը 10.15-ին Սուրբ Պետրոս հրապարակին վրայ Սրբադասումի Սուրբ Պատարագի ընթացքին Ֆրանչիսկոս Պապ Սուրբերու շարքին պիտի դասէ երանելիներ Ճովաննի Պաթթիսթա Սքալապրինիին և Արթեմիտէ Ծաթթիին։

Երեքշաբթի, 11 հոկտեմբերին յետմիջօրէին ժամը 5-ին Սուրբ Պետրոս տաճարէն ներս Ֆրանչիսկոս Պապ պիտի նախագահէ Վատիկանի Տիեզերական Երկրորդ ժողովի 60-ամեակին նուիրուած Սուրբ Պատարագին։ Այդ օրը կը նշուի Սուրբ Յովհաննէս ԻԳ-ի ծիսական տօնը։

Չորեքշաբթի, 2 նոյեմբերին, առաւօտեան ժամը 11-ին Սրբազան Քահանայապետը Սուրբ Պետրոս տաճարէն ներս Սուրբ Պատարագ պիտի մատուցէ՝ ի յիշատակ տարւոյն ընթացքին վախճանած կարդինալներուն ու եպիսկոպոսներուն։