Ֆրանչիսկոս Պապը բացումը պիտի կատարէ Իտալիոյ եպիսկոպոսներու հաւաքին։
Ռոպէր Աթթարեան - Վատիկան
Երկուշաբթի 24 Մայիսի կէսօրէն ետք ժամը 4-ին Հռոմի «Ergife Palace Hotel»ի մօտ նախատեսուած է Ֆրանչիսկոս Պապին միջամտութիւնը, բացումը կատարելու համար Իտալիոյ եպիսկոպոսական համահաւաք դասի ընդհանուր 74-րդ լիանիստ գումարին, որուն այս տարուայ նիւթն է «Հռչակել Աւետարանը վերածնունդի ժամանակաընթացքին – սկիզբ տալու համար սիւնհոդոսական ուղեւորութեան»։ Հաւաքը պիտի աւարտի 27 Մայիսին։
Նիստերու ընթացքին պիտի ընտրուին երկու փոխ նախագահներ, ապա Տնտեսական հարցերու Խորհուրդի անդամներ ու Եպիսկոպոսական յանձնաժողովներու նախագահներ։ 27 Մայիսին Կարդինալ Պասսեթթին` Եպիսկոպոսական համահաւաք դասին նախագահը մամլոյ ասուլիսի մը ընթացքին պիտի ներկայացնէ հաւաքին եզրափակիչ հաղորդագրութիւնը ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ