«Յիսուս կ՛ապրի, Սէրը յաղթեց». Հրեշտակի Երկուշաբթի օրուայ «Ողջ լեր Թագուհի» Մարեմեան աղօթքը։

Ռոպէր Աթթարեան - Վատիկան

Երկուշաբթի 5 ապրիլ 2021-ին, մեր Տիրոջ Յիսուս Քրիստոսի Սուրբ Յարութեան տօնի յաջորդող երկուշաբթին, Լատինաց մօտ կը կոչուի «Հրեշտակի Երկուշաբթի», որ կը  յիշատակէ Յիսուսին Յարութենէն ետք գերեզման այցելող կիներուն հրեշտակին աւետիսը «Ի՞նչու ողջը կը փնտռէք մեռելներուն մէջ։ Հոս չէ Ան. Յարութիւն առաւ» (Մատթէոս 28, 1-15)։

Օրուան առթիւ Սրբազան Պապը, առաքելական պալատի մատենադարանէն, ուղիղ եթերի սփռումով գլխաւորեց «Ողջ լեր Թագուհի» Մարեմեան աղօթքը, որուն ընթացքին ներկայացուց օրուան ծիսակատարութեան ու պատգամին վրայ կեդրոնացած խորհրդածութիւն մը։

Հոս չէ՛, որովհետեւ յարութիւն առաւ

Հրեշտակը կիներուն կ՛ըսէ «գիտեմ որ խաչուած Յիսուսը կը փնտռէք։ Հոս չէ՛, որովհետեւ յարութիւն առաւ» ըսաւ Սրբազան Պապը հաստատելով որ « յարութիւն առաւ» խօսքը աւելի անիդն կ՛երթայ մարդկային կարողութիւններէն ու թէ այդ աւետիսը կարող էր տալ միայն հրեշտակ մը։

Սրբազան Պապը ներկայացուց ապա Մատթէոս աւետարանիչէն (Մատթ. 28. 1-15) քաղուած Յիսուսի Յարութիւնը պատմող դրուագը որ կը խօսի Յիսուսին գերեզմանը փակող գլորուած ժայռի մասին, որուն վրայ նստաւ հրեշտակը։ Այս պատկերը ըսաւ Նորին Սրբութիւնը  շօշափելի եւ տեսանելի յայտութիւնն է Աստուծոյ չարին վրայ յաղթանակին, Քրիստոսի՝ այս երկրի իշխանի յաղթանակին, լոյսին խաւարին վրայ յաղթանակին։

Երբեք չի յոգնինք որոնելէ  յարուցեալ Քրիստոսը

Յիսուսին գերեզմանը բացուած էր Տիրոջ միջամտութեան շնորհիւ եւ Աստուծոյ այս միջամտութիւնը ունի կրկնակի արձագանք։Մէկ կողմէն պահակները, որոնք չեն կարող դիմադրել Աստուծոյ ճնշիչ ուժին եւ միւս կողմէ կիներուն արձագանքը, որոնք կը հանդիպին Տիրոջ հրեշտակին, որ զանոնք կը հրաւիրէ չի վախնալու եւ Յիսուսը չի փնտռելու գերեզմանին մէջ։

Հրեշտակին այս խօսքերէն կարող ենք ընկալել արժէքաւոր ուսուցում մը. «Երբեք չի յոգնինք որոնելէ  յարուցեալ Քրիստոսը, որ կեանք կը պարգեւէ առատութեամբ անոնց, որոնք իրեն կը հանդիպին»։

Յիսուս կ՛ապրի, Սէրը յաղթեց

Քրիստոսը գտնելը կը նշանակէ վերագտնել սրտի խաղաղութիւնը այնպէս ինչպէս պատահեցաւ կիներուն դիտել տուաւ Ֆրանչիսկոս Պապը բոլորին մաղթելով, որ այս զատկական շրջանին ապրին հոգեկան միեւնոյն փորձառութիւնը իրենց սրտին, տուներուն եւ ընտանիքներուն մէջ ընկալելով Զատկուայ ուրախ աւետիսը. «Յարուցեալ Քրիստոսը այլեւս չի մեռնիր։ Մահը անոր վրայ ոչ մէկ իշխանութիւն ունի»։ Այս օրերուն լաւ կկ՛ըլլայ որ մենք յաճախ կրկնենք այս խօսքերը. «Յիսուս կ՛ապրի» ըսաւ Սրբազան Պապը եւ աւեեցուց. «Այս վստահութիւնը մեզ կը մղէ այսօր եւ զատկական ամբողջ շրջանին աղօթելու «Ողջ լեր Թագուհիի» աղօթքը։ Մարիամին ուրախութիւնը այժմ լիակատար է, Յիսուս կ՛ապրի, Սէրը յաղթեց։ Թող որ այս ըլլայ նաեւ մեր ուրախութիւնը» ըսաւ Սրբազան Պապը եզրափակելով խորհրդածութիւնը։