Ֆրանչիսկոս Պապին նուէրը համաճարակէն խոցուած Պրազիլին։

Վազգէն Աբարդեան - Վատիկան

Առաքելական ողորմնաբաշխութեան գրասենեակի միջոցաւ Ֆրանչիսկոս Սրբազան Պապը կը շարունակէ իր սէրն ու գուրգուրանք ցուցաբերել Քովիտ 19 համաճարակի ամենէն շատ թիրախ եւ առողջապահական սարքերու կարօտ երկիրներուն բնակչութեան նկատմամբ

Առաքելական ողորմնաբաշխութեան հրապարակած հաղորդագրութեան համաձայն,վերջերս Ֆրանչիսկոս Պապ  Պրազիլին նուիրեց  շնչառական արուեստական այլ 18 սարքեր, որոնք երկրին մէջ  պիտի  բաշխուին տեղւոյն առաքելական նուիրակի միջոցաւ։

Յայտնենք թէ Պրազիլի մէջ Քորոնա ժահրով վարակուածներուն թիւը գերազանցեց 3 միլիոն 300 հազարը՝ մինչ զոհերուն թիւը հասաւ 107 հազարի։