Յառաջիկայ 31 Մայիսին Քահանայապետին առաքելական Ճամբորդութիւնը Մալթա։

Ռոպէր Աթթարեան - Վատիկան

«Ընդառաջելով Մալթայի հանրապետութեան նախագահի ու երկրի կաթողիկէ եկեղեցւոյ իշխանութիւններու հրաւէրին, Ֆրանչիսկոս Սրբազան Քահանայապետը՝ յառաջիկայ 31 մայիս 2020-ին, առաքելական ճամփորդութիւն պիտի կատարէ Մալթա եւ Կոծծօ կղզիներ։ Ճամբորդութեան յայտագիրը կը հրապարակուի յետագային։»

Սոյն հաղորդագրութեամբ է որ Սուրբ Աթոռի մամլոյ գրասենեակը տեղեկացուց որ Նորին Սրբութիւն Ֆրանչիսկոս Պապը՝ յառաջիկայ 31 Մայիսին պիտի այցելէ Մալթան, եւ այս մէկը  պիտի հանդիսանայ Քահանայապետական չորրորդ այցելութիւն, Պետնետիկտոս ԺԶ վաստակաւոր Քահանայապետին 2010ին ու Սուրբ Յովհաննէս Պօղոս Բ երջանկայիշատակ քահանայապետին 1990ին եւ 2001ին կատարած այցելութիւններէն ետք։