Ֆրանչիսկոս Պապին նոր գիրքը. «Յովհաննէս աւետարանիչը, որ Յիսուսը տեսաւ եւ հաւատաց:»
Վազգէն Աբարդեան - Վատիկան
Լոյս տեսաւ, ֆրանչիսկոս Սրբազան Պապին, Չորրորդ աւետարանիչի՝ Սուրբ Յովհաննէս առաքեալի մասին խորհրդածութիւններ պարունակող , «Յովհաննէս աւետարանիչ, որ Յիսուսը տեսաւ եւ հաւատաց» խորագիրով գիրքը:
Վատիկանեան եւ Պօղոսեան տպագրատուներէն լոյս տեսած Նորին Սրբութեան նշեալ գիրքը պատրաստած է Ճանֆրանքօ Վենթուրի: Ան Գիրքի ներածականի մէջ գրած է թէ գիրքին նպատակն է օգնել, բոլոր անոնց, որոնք կը կարդան Յովհաննէսի աւետարանը ՝ աւետարանիչը զոր Յիսուսի հրաւէրը ընդունեց « եկէք եւ տեսէք»,
Ներածականին մէջ հրատարակիչը գրած է թէ Գիրքին էջերը վկայութիւնն են, թէ ինչպէս Ֆրանչիսկոս Պապ ինքզինք դրած է առաքեալին դպրոցին տրամադրութեան տակ: Գիրքի էջերը պարզապէս անցեալի էջերուն մէջ մխրճում չէ, ոչ ալ պատմական ոգեկոչում, այլ ներգրաւում է ինքզինք տեսնելու եւ մաս զգալու, առաքեալի կողմէ վկայուած ՝ խօսքի եւ իրողութիւններու կատարումի մէջ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ