Հրապարակուեցաւ Ֆրանչիսկոս Պապին յունուար, փետրուար ամիսներուն նախագահելիք արարողութիւններուն օրակարգը:
Վազգէն Աբարդեան - Վատիկան
2020 թուականին Յունուար , Փետրուար ամիսներուն ֆրանչիսկոս Սրբազան Պապին նախագահելիք գլխաւոր արարողութիւններուն առանցքը կը կազմէ Պարի քաղաքի մէջ Միջերկրականին խաղաղութեան ի սպաս աղօթքի օրուան առթիւ Ֆրանչիսկոս Պապին նախագահութեամբ մատուցուելիք Սուրբ Պատարագի արարողութիւնը, խնդրուած Իտալիոյ եպիսկոպոսաց համահաւաք դասի կողմէ:
Յունուար ամսուան ընթացքին, Քրիստոնեաներու միութեան աղօթքի շաբաթ ծիրէն ներս, Սուրբ Պօղոսի դարձի գալու ծիսական տօնի առթիւ, 25 յունուարին՝ յետմիջօրէին ժամը 5,-ին, Ֆրանչիսկոս Պապ պիտի նախագահէ ժամասացութեան աղօթքին, Սուրբ Պօղոսի անուան տաճարէն ներս:
Կիրակի, 26 յունուարին,Աստուծոյ խօսքի նուիրուած օրուան առթիւ, Ֆրանչիսկոս Պապ Պատարագ պիտի մատուցանէ Սուրբ Պետրոսին տաճարին մէջ:
Մինչ Փետրուար ամսուան առաջին օրը ՝1 փետրուարին, Յիսուսի տաճար ընծայման տօնին եւ անձինք նուիրեալներուն, համաշխարհային 24-րդ օրուան առթիւ, Սուրբ Պետրոսի տաճարին մէջ ֆրանչիսկոս Պապ կը նախագահէ սուրբ պատարագի արարողութեան, մասնակցութեամբ առաքելական կեանքի ընկերութեան եւ անձին նուիրեալներու կրօնական հաստատութիւններուն անդամներուն:
23 փետրուարին, Միջերկրային խաղաղութեան ի սպաս աղօթքի օրը, Պարի քաղաքին մէջ ֆրանչիսկոս Պապ պիտի նախագահէ Սուրբ Պատարագին արարողութեան:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ