Ֆրանչիսկոս Պապ «Ով որ մահը կը մոռնայ, արդէն սկսած է մեռնելու»:
Վազգէն Աբարդեան - Վատիկան
Կազմակերպութեամբ «Սքոլաս Օքուրենթեսի, Մեքսիքոյի մէջ տեղի ունեցաւ երիտասարդներու միջազգային 4-րդ հանդիպումը:
Այս առթիւ, հինգշաբթի, 31 հոկտեմբերին, ֆրանչիսկոս Սրբազան Պապը պատկերասփռուած պատգամով մը ողջունեց հաւաքի մասնակցող երիտասարդները:
Պատգամին մէջ Նորին Սրբութիւնը շեշտը դրաւ մահուան մշակոյթին վրայ: Ան նշեց, թէ ով որ մահը կը մոռնայ արդէն իսկ ներսդին մեռնելու սկսած է: Ան ապա մահուան իմաստին մասին խօսելով հաստատեց թէ «մահն է, որ թոյլ կու տայ որ կեանքը կենդանի մնայ:»
Նորին Սրբութիւն նշեց, թէ գիրքին մը վերջաբանն է, որ թոյլ կու տայ պատմութիւնը գրելու եւ նկարագրելու պատկեր մը, որուն մէջ կը ողջագուրուին երկու մարմիններ:
Ան ապա կ՝ընդգծէ թէ, բան մը վերջ չգտներ, լոկ իր աւարտին հասնելու մէջ: Պէտք է ուշադրութիւն ընել, առօրեայ կեանքի մէջ իր աւարտին հասած իւրաքանչիւր փոքրիկ իրադարձութիւններուն:
Ամէն մէկ պատմութիւն կարելի է հասկնալ, լոկ իւրաքանչիւր բառի, լռութեան եւ իւրաքանչիւր էջի գրութեան աւարտին:
Եւ Լոկ այդ պահերուն գիտակից կեանք մը, կեանքը կրնայ լիանալ, եւ այնպէս մը ընել, որ այդ պահերը յաւերժական դառնան:
Ֆրանչիսկոս Պապ ապա նկատել կու տայ, որ մահը մեզի կը յիշեցնէ, ամէն բան հասկնալու եւ ըմբռնելու անկարողութիւնը:
Մահը հարուած մըն է, մեր ամենակալ ըլլալու խաբկանքին:
Մահը, կեանքին մէջ կը մեզի սորվեցնէ յարաբերիլ խորհուրդին հետ :Մահը մեզի կ՝ուսուցանէ ,թէ յաւերժ եւ առ յաւիտեան կայ մէկը՛ որ մեզ կը զօրակցի: Վերջաւորութեան սկիզբնը ու վերջը:
Ֆրանչիսկոս Պապ ապա ցոյց կու տայ, թէ կան երեք տարբեր մահեր, որոնցմէ դատարկուելով մեր կեանքը կը լիանայ: Իւրաքանչիւր պահու մահ, եսասիրութեան մահ եւ աշխարհի մը մահ, որ նոր աշխարհ յառաջացնելու թոյլ կու տայ: Հետեւաբար եթէ մահը չունի իր վերջին խօսքը, որովհետեւ՝ կեանքին մէջ ուրիշին համար մեռնիլ սորվեցանք: ըսաւ Ֆրանչիսկոս Պապ պատկերասփռուած պատգամի աւարտին:
Նշենք, թէ Մեքսիքոյի մէջ կայացած երիտասարդներու միջազգային հանդիպումի կազմակերպուած է Սքոլաս Օքուրենթեսի կողմէ:
Հանդիպումին իրենց մասնակցութիւնը բերին աւելի քան 60 երկիրներէ ժամանած 250 ներկայացուցիչներ:
Սքոլաս Օքուրենթես կազմակերպութիւնը քահանայապետական իրաւասութիւն վայելող միջազգային կազմակերպութիւն մըն է- հիմնուած ֆրանչիսկոս Պապին կողմէ :Ան ներկայ է աւելի քան 190 երկիներուն մէջ:
Կազմակերպութեան մաս կը կազմեն աւելի քան 500, 000 դպրոցներ կրօնական տարբեր դաւանանքներու կրթական ցանցեր, ըլլայ հանրային ըլլայ սեփական:
Կազմակերպութեան նպատակն է զարգացնել հանդիպումի մշակոյթը՝ խաղաղութեան ի նպաստ կրթութեան միջոցաւ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ