Ֆրանչիսկոս Պապի 28 նոյեմբերին գործունէութիւնը:
Հինգշաբթի, 28 նոյեմբերին, Վատիկանի մէջ ֆրանչիսկոս Պապ ընդունեց Միջազգային աշխարհիկ հաստատութիւններուն համահաւաք դասի նախագահութեան անդամները: Ապա Ժամը 10,ին Վատիկանի Առաքելական պալատին իր գրասենեակի մէջ ընդունեց Էսթոնիոյ հանրապետութեան նախագահ ,տիկին Քերսթի Քալիժուլէյտն ու անոր ընկերացող պատուիրակութեան անդամները: Էսթոնիոյ նախագահը ապա հանդիպում ունեցաւ Վատիկանի Պետական քարտուղար կարդինալ Փիեթրօ Փարոլինին հետ, ընկերակցութեամբ պետութիւններուն հետ յարաբերութեան քարտուղար, գերապայծառ Փոլ Կալլակերին:
Այս առնչութեամբ Սուրբ Աթոռի մամլոյ գրասենեակի հրապարակած հաղորդագրութեան մէջ նշուած է, որ սիրալիր մթնոլորտի մէջ կայացած հանդիպումի ընթացքին , յիշուած է Երկու պետութիւններու միջեւ գոյութիւն ունեցող բարի յարաբերութիւնները, ինչպէս նաեւ ֆրանչիսկոս Պապին 2018-ին, Էսթոնիա կատարած առաքելական այցելութիւնը, երկրի անկախութեան հարիւր ամեակի առիթով:
Քննարկումի նիւթ եկած է երկու կողմերը հետաքրքրող հարցեր, հայող կրթութեան, ընկերային արդարադատութեան եւ արարչագործութեան պահպանման: Միջազգային եւ տարածաշրջանային գետնի վրայ քննարկուած է խաղաղութեան եւ անվտանգութեան հայող նիւթեր, յատուկէն կեդրոնանալով Ուքրանիոյ ներկայ կացութեան վրայ, ինչպէս նաեւ Եւրոպան յուզող հարցերուն: նշուած է Սուրբ Աթոռի հաղորդագրութեան մէջ:
Ժամը 10,45ին, Էսթոնիոյ հանրապետութեան նախագահին հետ ունեցած հանդիպումէն ետք Ֆրանչիսկոս Պապ ընդունեց Միացեալ Նահանգներուն եպիսկոպոսաց համահաւաք դասի (Գ մարզի) եպիսկոպոսները, անոնց Սուրբ Պետրոսին յաջորդին տուած հնգամեայ կանոնական այցելութեան առթիւ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
