Ֆրանչիսկոս Պապ ընդունեց «Ես կրնամ» խորագիրով միջազգային հանդիպումի մասնակիցները:
Վազգէն Աբարդեան - Վատիկան
Շաբաթ, 30 նոյեմբերին, Վատիկանի Պօղոս Զ անուան դահլիճէն ներս Ֆրանչիսկոս Պապ ընդունեց եւ յատուկ ունկնդրութիւն շնորհեց «Ես կրնամ» խորագիրով միջազգային հանդիպումի մասնակիցներուն:
Ներկաներուն ուղղած Նորին Սրբութեան ողջոյնի խօսքին առանց կազմեց գեղեցկութիւն եւ բարի բառերը: Ան նշեց, որ այդ երկու բառերը սերտ կապակցութիւն ունին՝ հրէական եւ քրիստոնէական աւանդութիւններուն մէջ: Սուրբ գիրքի Ծննդոց գիրքին մէջ կը կարդանք, որ Աստուած տիեզերքն ու մարդ արարածը ստեղծելէ ետք իր բոլոր ըրածը տեսնելով ըսաւ «ահա շատ բարի է: Ծննդոց 1,31 »
Ֆրանչիսկոս Պապ ապա նկատել տուաւ որ երբ զարմանքով եւ հմայքով երկինքի եւ աստերուն կը սեւեռենք մեր միտքը կ՝երթայ այդ գեղեցկութիւններուն հեղինակին: Տիեզերքն ու անոր գեղեցկութիւնը՝ մարդ արարածին պարգեւուած թանկարժէք գանձ մըն է զոր մարդը կանչուած է զայն պաշտպանելու եւ մշակելու:
Ֆրանչիսկոս Պապ նկատել կու տայ որ դէմ յանդիման կը գտնուինք տիեզերքի բանալիի մը դիմաց որմէ կախեալ է տիեզերքի գոյատեւումը եւ այս բանալին Աստուծոյ դաշինքին ծրագիրն է: Աստուած ամէն ինչ մարդու տրամադրութեան տակ դրաւ այսպէս նաեւ մարդ արարածը կանչուած է ծնունդ տալու՝ կիսելու գեղեցկութիւնը:
Ան քաջալերեց կառուցել աշխարհը մը, ուր ծնունդ կ՝առնէ մարդկային յարաբերութիւններուն ցանց մը, որ լաւագոյն դեղն է խտրականութեան բռնութեան որեւէ ձեւերուն դէմ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
