Ֆրանչիսկոս Պապի պատկերասփռուած պատգամը «աստղերու երեկոյ Մանուկ Յիսուսին համար» ձեռնարկի մասնակիցներուն:
Վազգէն Աբարդեան - Վատիկան
Չորեքշաբթի, 20 նոյեմբերին, Ֆրանչիսկոս Պապ շնորհաւորական պատկերասփռուած պատգամ մը ուղղեց, Հռոմի «Մանուկ Յիսուս» մանկաբուժարանի հիմնադրութեան յոբելենական 150 ամեակի առթիւ կազմակերպուած «աստղերու երեկոյ Մանուկ Յիսուսին համար» ձեռնարկի մասնակիցներուն: Զօրակցական ձեռնարկը տեղի ունեցաւ Վատիկանի Պօղոս Զ անուան դահլիճէն ներս:
Շնորհաւորական պատկերասփռուած պատգամին մէջ ֆրանչիսկոս Պապ անդրադարձաւ հիւանդ մանուկներու հետ հանդիպումի ժամանակ, իր ապրած յուզումներուն, ընդգծելով որ ան որ խնամք կը տանի մանուկներուն այդ անձը Աստուծոյ կողմէ է:
Ան յիշեց բժիշկներուն, հիւանդապահներուն, գիտնականներուն նուիրուածութիւնը ու գորովը նկատել տալով որ մանուկներու տառապանքը, ամենէն ծանր հանդուրժելիք իրողութիւն մըն է սակայն ան որ մօտիկ է եւ խնամք կը տանի մանուկներու Աստուծոյ կողմէ է եւ յաղթահարէ մնացորդաց մշակոյթին:
Ֆրանչիսկոս Պապ նշեց, որ Մանուկ Յիսուս մանկաբուժարանը իր առօրեայ խնամակալական եւ բարեսիրական գործունէութեամբ նշան կը հանդիսանայ եկեղեցւոյ եղբայրսիրութեան, որ միշտ գտնուած է տկարներուն եւ բեկանելիներուն ծառայութեան ներքոյ
Ֆրանչիսկոս Պապ ապա յիշեց, որ մանուկ Յիսուս հիւանդանոցը հիմնուած է 1859-ին, եւ ան սիրոյ պարգեւ մըն է նուիրուած Հռոմի հիւանդ մանուկներուն: Հիւանդանոցի մէկը ու կէս դար ետք իր արձանագրած յաջողութիւնները դարձած է Եւրոպայի եւ աշխարհի լաւագոյն մանկաբուժարաններէն մին:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ