Յառաջիկայ Կիրակի օր Քահանայապետը կ՛այցելէ Կրէչչոն։

Ռոպէր Աթթարեան - Վատիկան

Չորեքշաբթի օրուան հրապարակային ունկնդրութեան աւարտին Ֆրանչիսկոս Պապ յայտարարեց թէ եկող կիրակի՝ մէկ դեկտեմբերին պիտի այցելէ Կրէչչոյի մսուրի Ֆրանչիսկեան ուխտավայրը։

«Պիտի մեկնիմ Կրէչչօ՝ Սուրբ Ֆրանչիսկոս Ասսիզացիին կառուցած առաջին մսուրին մօտ, աղօթելու ու Աստուծոյ համայն հաւատացեալ ժողովուրդին ուղարկելու նամակ մը, հասկնալու համար մսուրին իմաստը» ըսաւ Ֆրանչիսկոս Պապ։